राष्ट्रपतिद्वारा बैशाख २७ गते प्रतिनिधिसभाको अधिवेशन आव्हान

१९ बैशाख, काठमाडौं । राष्ट्रपति विध्यादेवी भण्डारीले वैशाख २७ गते प्रतिनिधि सभाको अधिवेशन आव्हान गरेकी छन् । राष्ट्रपति कार्यालयले एक विज्ञाप्ति जारी गर्दै प्रधानमन्त्री केपी शर्मा ओलीले विश्वासको मत लिन चाहेकोले सोही प्रयोजनका लागि प्रतिनिधि सभाको आधिवेशन आब्हान गरेको जानकारी दिएको छ ।

मन्त्रिपरिषद्को आज बसेको बैठकले  वैशाख २७ गते संसद अधिवेशन बोलाउन सिफारिस गर्ने  निर्णय गरेको थियो । बैठकमा प्रधानमन्त्री ओलीले त्यस दिन विश्वासको मत लिने जानकारी मन्त्रीहरुलाई गराएका थिए। प्रधानमन्त्रीले आफूमाथि संसदको विश्वास छ वा छैन भन्ने यकीन गर्न जुनसुकै बेला विश्वासको मत लिन सक्छन् ।