पोखरेल भन्छन्, एकल बहुमत प्राप्त सरकारको मुख्यमन्त्री हुँ !

२० बैशाख, काठमाडौं ।  लुम्बिनी प्रदेशका नवनियुक्त मुख्यमन्त्री शंकर पोखरेलले नेकपा एमालेको एकल बहुमतको सरकारको नेतृत्व पुन आफुले गरेको बताएका छन् । दलसँग बहुमत नहुँदानहुँदै संविधान विपरित काम गरेको आरोप विपक्षिले लगाइरहदा पोख्रेलले  प्रदेशसभामा बहुमत प्राप्त संसदीय दलको नेताको रुपमा आफु मुख्यमन्त्री बनेको र संदनमा एमालेको एक्ले बहुमत रहेको जिकिर गरेका छन् ।

पोखरेल अल्पमतमा रहेको र उनको दललाई सरकार बनाउन बहुमत नपुग्ने पत्रसहित विपक्षीहरुले उनलाई सपथग्रहण नगराउन आग्रह गरेपनि प्रदेश प्रमुख धर्मनाथ प्रसाद यादवले मुख्यमन्त्री निवासमै पुगेर पोखरेललाई पद तथा गोपनियताको सपथ गराएका थिए । सपथग्रहण पछि मुख्यमन्त्री पोखरेलले हिजै कारवाहीमा परेका जसपा सांसदहरुलाई समेटेर पाच सदस्यीय मन्त्रिपरिषद बिस्तार समेत गरेका छन् ।

जसमा आर्थिक मामिला तथा योजनामन्त्रीमा बैजनाथ चौधरी, स्वास्थ्य तथा जनसंख्यामन्त्रीमा हरि रिजाल, भौतिक पूर्वाधार विकासमन्त्रीमा सन्तोष पाण्डे र भूमि व्यवस्था, कृषि तथा सहकारी मन्त्रीमा विजयबहादुर यादवलाई नियुक्त गरेका छन् ।