चार कम्पनीको सर्किट लेभलमा कारोबार, प्रतिकित्ता शेयरमूल्य कति ?

१८ बैशाख, काठमाडौं । साताको पहिलो कारोबार दिन सोमबार नेप्सेमा चार कम्पनीको सर्किट लेभलमा कारोबार भएको छ । यस दिन नेप्सेका अधिकांश उपसूचकहरु हरियो देखिएका छन् ।

कारोबारमा आएका १३ उपसमूहका सूचकहरुमध्ये यस दिन १ बजेको सयमसम्ममा १० उपसमूहका सूचकहरु बढेर छन

यस अवधिमा नेप्से परिसूचक ० दशमलव ४५ प्रतिशत अर्थात १२ अंक बढेर २६७७ विन्दुमा बन्द पुगेको छ। बढेको बजारमा महिला लघुवित्त, सिंगटी हाइड्रो ङादी ग्रुप र विशालबजार कम्पनीको शेयर सकारात्मक सर्किट लेभलमा कारोबार भएको छ।

महिला लघुवित्तको शेयरमूल्य प्रतिकित्ता ३ हजार ७८० रुपैयाँ पुगेको छ । सिंगटी हाइड्रोको प्रतिकित्ता शेयरमूल्य ४ सय ३८ रुपैयाँ, बिशाल बजार कम्पनीको शेयरमूल्य ६ हजार १६८ रुपैयाँ र ङादी ग्रुपको २७८ रुपैयाँ पुगेको छ । आज यी चार वटै कम्पनीको शेयरमा विक्रेताभन्दा क्रेता धेरै भएकाले शेयरमूल्यमा वृद्धि भएको हो ।

महिला लघुवित्तको पछिल्लो ४५ दिनमा उच्च शेयरमूल्य वृद्धि हुने पहिलो कम्पनी हो । लघुवित्तले करिब दुई महिना पहिलो सर्वसाधारणको लागि आईपीओ निष्कासन गरेको थियो । उक्त आईपीओ नेप्सेमा सूचीकृत भएसंगै कम्पनीको शेयरमूल्यमा दैनिक सर्किट लाग्दै आएको छ ।

सिगंटी हाइड्रोको शेयर वैशाख १५ गते (बुधवार)देखि कारोबारमा आएको हो । कम्पनीले नेप्सेमा पहिलो कारोबारको लागि ओपन रेञ्ज १०० देखि ३०० सम्म तोकेको छ ।

नेप्सेले कम्पनीको पहिलो कारोबारको लागि नेटवर्थको तीन गुणासम्म मूल्य रेञ्ज तोक्ने गर्दछ । त्यसैगरी महिला लघुवित्तको शेयर कारोबारमा आएकै दिनदेखि उच्च दरले वृद्धि भएको छ ।

यस दिन यी चार वटै कम्पनीको शेयर खरिद गर्न क्रेताको चाप रहेको छ ।