छिमेक लघुवित्तको संस्थापक शेयर लिलामीमा, वैशाख २१ गतेसम्म आवेदन दिन सकिने

१८ बैशाख, काठमाडौं । बैंक अफ काठमाण्डू छिमेक लघुवित्त वित्तीय संस्थाको संस्थापक शेयर लिलामीमा आवेदन दिने म्याद थप गरेको छ । अब निषेधाज्ञा सकिएको ५ कार्यदिनसम्म लिलामी खुल्ला रहने बैंकले जनाएको छ ।

यसअघि भने वैशाख २१ गतेसम्म आवेदन दिन पाउने व्यवस्था रहेको थियो । बैंकले वैशाख १४ गतेदेखि आफ्नो स्वामित्वमा रहेको छिमेकको २ लाख कित्ता संस्थापक शेयर लिलामीमा ल्याएको हो ।

निषेधाज्ञाका कारण भौतिक रुपमा उपस्थित भएर लिलामीमा आवेदन दिन नसकिने भएकाले म्याद थप गरिएको बैंकले जनाएको छ । लिलामीमा हाल कायम संस्थापक सेयरधनी तथा सर्वसाधारण तथा योग्य संघसंस्थाले आवेदन दिन सक्नेछन् ।

शेयरको प्रतिकित्ता भाउ ६०० रुपैयाँ तोकिएको छ । तसर्थ, न्यूनतम ६०० रुपैयाँ वा त्यसभन्दा बढी भाउ कबोल गरी बोलपत्र पेश गर्न सकिनेछ ।