ठाकुर पक्षको भेला भोलि

२० बैशाख, काठमाडौं । प्रधानमन्त्री केपी ओलीले वैशाख २७ गते विश्वासको मत लिन प्रतिनिधिसभा बैठक आह्वान भएपछि सत्ताको साँचोका रुपमा हेरिएको जनता समाजवादी पार्टीको सकृयता एकाएक बढेको छ । सरकारलाई हेर्ने दुई विपरीत दृष्टिकोण रहेको जसपा भित्रको महन्थ ठाकुर समूह अली बढी नै क्रियाशील भएको छ ।

महन्थ ठाकुरले आफूनिकट सांसद् तथा कार्यकारिणी परिषद सदस्यहरुसँग खाली कागजमा हस्ताक्षर लिन सुरु गरेका छन् । उपत्यकामा रहेका सांसद् र परिषद सदस्यहरुलाई कतै नजान र वाहिर भएकाहरुलाई समेत तत्काल राजधानी फर्कन निर्देशन जारी गरिएको ठाकुर निकट स्रोतले बतायो ।

सकेसम्म भोलि नै उपलव्ध निकट सदस्यहरुलाई बोलाएर पार्टीको बबरमहलस्थित कार्यालयमा बैठक गर्ने तयारी भइरहेको छ । यसका लागि सर्वेन्द्रनाथ शुक्लाले समन्वय गरिरहेको स्रोतले बतायो ।