पुनर्बीमा कम्पनीको सञ्चालकमा पुनः दिप प्रकाश पाण्डे र अर्याल नियुक्त

२० बैशाख, काठमाडौं । नेपाल पुनर्बीमा कम्पनी लिमिटेडले सञ्चालकमा दिप प्रकाश पाण्डे र डा. डिल्ली राज अर्याललाई पुनः नियुक्त गरेको छ ।

कम्पनीको आइतवार बसेको सञ्चालक समितिको बैठकले उनीहरुलाई पुनः नियुक्त गर्ने निर्णय गरेको हो ।

नेपाल सरकार बाहेका संस्थागत लगानीकर्ताबाट कम्पनीको प्रतिनिधित्व गर्ने ती दुई सञ्चालकको कार्यकाल वैशाख २१ गतेबाट समाप्त हुने भएकाले आगामी साधारण सभासम्मको लागि निजहरुलाई सञ्चालक पदमा नियुक्त गर्ने र आगामी साधारण सभाबाट नियुक्ती अनुमोदन गर्ने कम्पनीले नेप्सेमार्फत जानकारी गराएको हो ।