नेप्सेमा समता घरेलु लघुवित्तको २८ लाख ५६ हजार कित्ता शेयर सूचीकृत, मंगलबारदेखि कारोबार

२० बैशाख, काठमाडौं । साविकको समता लघुवित्त वित्तीय संस्था र घरेलु लघुवित्त वित्तीय संस्थाबीच मर्जर सम्झौता भएपछि कायम शेयर नेप्सेमा सूचीकृत भएको छ ।

मर्जरपछि बनेको समता घरेलु लघुवित्तको नाममा कम्पनीको २८ लाख ५६ हजार २०१.६० कित्ता शेयर नेप्सेमा सूचीकृत भएको हो ।

यससंगै मर्जर प्रयोजनका लागि रोक्का रहेको कम्पनी शेयर दोस्रो बजारमा कारोबारको लागि फुकुवा समेत भएको छ ।

दुइ लघुवित्तबीच १००ः८० स्वाप रेशियोमा मर्जर सझौता भएको थियो । दुबै लघुवित्तले बैशाख २ गते देखि एकिकृत कारोबार गरेको थियो ।