अष्ट्रेलियाका राजदूत दाहाल हटाइए

२१ वैशाख, काठमाडौं । विवादास्पद छवि बनेका अष्ट्रेलियाका लागि नेपाली राजदूत महेश दाहाललाई सरकारले फिर्ता बोलाएको छ । माओवादी कोटाबाट राजदूत बनेका दाहालको कार्यकाल अझै दुुई वर्ष बाँकी नै थियो ।

नेपाली काँग्रेस चितवनका नेताका रुपमा रहेका दाहाल माओवादी केन्द्रका अध्यक्ष पुष्पकमल दाहाल निकट भएका थिए । उनी दुई वर्षअघि मात्रै काँग्रेस त्यागेर माओवादी प्रवेश गरेका थिए ।

सोमबार बसेको मन्त्रिपरिषद बैठकले दाहाललाई फिर्ता बोलाउने निर्णय गरेको हो । यस्तै प्रमुख प्रतिपक्षी दल नेपाली काँग्रेसका सभापति शेरबहादुर देउवाकी सासु प्रतिभा राणा र ओमनका राजदूत शर्मिला पराजुुली ढकाललाई भने कार्यकाल पूरा नभइञ्जेल निरन्तरता दिने निर्णय भएको स्रोतले बताएको छ । सरकारले हिजै मात्र माओवादी निकट दुई जना प्रदेश प्रमुख हटाएको थियो ।