कोरोना संक्रमित पूर्वरानीकाे आईसीयूमै राखेर उपचार

२१ बैशाख, काठमाडौं । कोरोना संक्रमित पूर्वरानी कोमल शाहलाई आईसीयूमै राखेर उपचार जारी राखिएकाे छ । संक्रमण भई उपचाररत पूर्वरानी शाहको अवस्था सुधार भइरहेको उनी उपचाररत नर्भिक अस्पतालले जानकारी दिएको हाे ।

११ दिनअघि अस्पताल भर्ना भएकी उनलाई बिहीबारदेखि प्लाज्मा थेरापी विधिबाट उपचार थालिएको अस्पतालले जनाएकाे छ । उनको स्वास्थ्य अवस्थामा क्रमिक र दैनिक रुपमा सुधार भइरहेको छ’ अस्पतालले मंगलबार जारी गरेको विज्ञप्तिमा भनिएको छ ।

नर्भिक अस्पतालमै उपचाररत पूर्व राजा ज्ञानेन्द्र शाह र उनकी छोरी पूर्व अधिराजकुमारी प्रेरणा शाहको अवस्था भने सामान्य र स्थिर रहेको अस्पतालले जनाएको छ ।