महिला लघुवित्त र बिशाल बजार कम्पनीको शेयर ९ प्रतिशत बढिले वृद्धि, प्रतिकित्ता शेयरमूल्य कति ?

२२ बैशाख, काठमाडौं । साताको चौथो कारोबार दिन बुधबार नेप्सेमा दुई कम्पनीको सर्किट लेभलमा कारोबार भएको छ । यस दिन बजार खेलेको केही समयमा महिला लघुवितत र बिशाल बजार कम्पनीको शेयरमा सर्किट लागेको हो ।

यस दिन महिला लघुवित्तको शेयरमूल्य प्रतिकित्ता ४ हजार ५७३ रुपैयाँ पुगेको छ । छोटो समयमै कम्पनीका लगानीकर्ताले उक्त कम्पनीको शेयरबाट आकर्षक प्रतिफल प्राप्त गरेका छन् । कम्पनीको शेयर कारोबारमा आएको तेस्रो दिन देखिनै सर्किट लेबलमा वृद्धि हुँदै आएको छ । एक महीनामा १ हजारको लगानी ४५ हजार पुगेको छ ।

बिशाल बजार कम्पनीको प्रतिकित्ता शेयरमूल्य ७४६२ रुपैयाँ पुगेको छ । आज यी दुई वटै कम्पनीको शेयरमा विक्रेताभन्दा क्रेता धेरै भएकाले शेयरमूल्यमा वृद्धि भएको हो ।

महिला लघुवित्तको पछिल्लो ४५ दिनमा उच्च शेयरमूल्य वृद्धि हुने पहिलो कम्पनी हो । लघुवित्तले करिब दुई महिना पहिलो सर्वसाधारणको लागि आईपीओ निष्कासन गरेको थियो । उक्त आईपीओ नेप्सेमा सूचीकृत भएसंगै कम्पनीको शेयरमूल्यमा दैनिक सर्किट लाग्दै आएको छ ।