नेपाल पक्षका सांसदले राजीनामा दिँदै,अविश्वासको प्रस्ताव दर्ताको तयारीमा विपक्षी दल
नेपालबहस संवाददाता
बैशाख २२, २०७८ बुधबार १८:४३:३
२२ बैशाख, काठमाडौं । प्रधानमन्त्री केपी शर्मा ओलीलाई विश्वासको मतमा विफल पार्ने निर्णय गरेको कांग्रेसले आफ्नो नेतृत्वमा सरकार गठनका लागि गृहकार्य बढाउँदै लगेको छ । पार्टी सभापति शेरबहादुर देउवाले पछिल्ला दिनमा माओवादी केन्द्र, जनता समाजवादी दल र एमालेका असन्तुष्ट माधव नेपाल पक्षसँगको संवादलाई थप बढाउँदै लगेका हुन।
जसपाको महन्थ ठाकुर र राजेन्द्र महतो पक्षले प्रधानमन्त्री केपी शर्मा ओलीलाई साथ दिने बताएको छ । यो अवस्थामा जसपाको उपेन्द्र यादव वा तत्कालीन समाजवादी दलको मात्र समर्थन मिल्दा बहुमत नपुग्ने भएपछि माधव नेपाल पक्षकाे बलियो साथ देउवाले खोजेका छन् । अर्ली इलेक्सनको मनस्थितिमा रहेका कांग्रेस सभापति देउवा पछिल्लो समय लुम्विनी प्रदेश प्रकरणबाट झस्किएका छन् । चुनाव पनि नगर्ने र सत्ता कब्जा गर्न स्वास्थ्य संकटकाल लगाउने मनस्थिति ओलीको पाएपछि देउवा हरहालतमा आफ्नो नेतृत्वमा सरकार गठनमा जुटेका हुन ।
नेपाल पक्षले एमालेबाट निर्वाचित सांसदको संख्या घटाउन सके उपेन्द्र यादव पक्षको साथ लिएर नयाँ सरकार निर्माणको सम्भावना रहेको भन्दै नेपाल पक्षले राजीनामाको निर्णय गरेमा ओलीसँग नयाँ सरकार गठनको बहुमत नपुग्ने र त्यस्तो हुँदा विश्वासको मत पनि फेल हुने निश्कर्षमा देउवा पुगेका छन् । अहिलेसम्म भएको संवाद अनुसार नेपाल पक्षले राजीनामा दिने सम्भावना बढेकाे कांग्रेस नेताहरुले बताएका छन् ।
‘अहिलेको अवस्थामा प्रधानमन्त्रीले लिन लागेकाे विश्वासको मत फेल हुँदा वित्तिकै राष्ट्रपतिले ७६ को २ अनुसार गठबन्धन सरकार गठनको आव्हान नगर्ने षडयन्त्र हुन सक्छ । प्रधानमन्त्रीले जे भन्यो त्यही मान्ने राष्ट्रपतिको विगतको ब्यवहारले पनि देखाएको छ । उनी संविधान मिचेर एकै पटक ७६ ३ अर्थात संसदमा सबैभन्दा बढी सांसद रहेको दलको नेतालाई प्रधानमन्त्री नियुक्त गर्ने ब्यवस्थामा पुग्ने र पुन: ओलीलाई नै प्रधानमन्त्री बनाउने संभावना उत्तिकै दखिन्छ । त्यसैले पनि अविश्वासको प्रस्ताव लैजानुपर्ने सुझाव हामीले दिएका छौ , माओवादी केन्द्रका नेताले भने ।
नेपाल पक्षले राजीनामा दिएपनि ओलीले राष्ट्रपतिको साथ लिएर संविधानको धारा ७६ तीन बमोजिम पुन: प्रधानमन्त्री बन्ने खतरा जीवितै रहेको भन्दै पुष्पकमल दाहाल ‘प्रचण्ड र उपेन्द्र यादवले एमालेको नेपाल पक्षका सांसदले राजीनामा गरेपछि ओलीविरुद्ध संसदमा अविश्वासको प्रस्ताव लैजानुपर्ने सुझाव देउवालाई दिएका छन् । माधव नेपाल पक्षले राजीनामा दिएमा संसदमा अविश्वासको प्रस्ताव लैजाने विषयमा देउवा मन्जुर भएको बताइएको छ ।
‘अहिलेको अवस्थामा प्रधानमन्त्रीले लिन लागेकाे विश्वासको मत फेल हुने वित्तिकै राष्ट्रपतिले ७६ को २ अनुसार गठबन्धन सरकार गठनको आव्हान नगर्ने षडयन्त्र हुन सक्छ । प्रधानमन्त्रीले जे भन्यो त्यही मान्ने राष्ट्रपतिको विगतको ब्यवहारले पनि देखाएको छ । उनी संविधान मिचेर एकैपटक ७६ (३) अर्थात संसदमा सबैभन्दा बढी सांसद रहेको दलको नेतालाई प्रधानमन्त्री नियुक्त गर्ने ब्यवस्थामा पुग्ने र पुन: ओलीलाई नै प्रधानमन्त्री बनाउने संभावना उत्तिकै दखिन्छ । त्यसैले पनि अविश्वासको प्रस्ताव लैजानुपर्ने सुझाव हामीले दिएका छौ , माओवादी केन्द्रका नेताले भने ।
यसैबीच माओवादी केन्द्रले प्रधानमन्त्री ओलीलाई दिएको समर्थन फिर्ता लिएको छ । माओवादीका मुख्य सचेतक देव गुरुङले पार्टी बैठकले गरेको निर्णय अनुसार केपी ओली नेतृत्वको सरकारलाई समर्थन नरहेको जानकारी पत्र संसद सचिवालयमा बुझाएको जानकारी दिएका छन् ।
पत्रमा प्रधानमन्त्री ओलीले विश्वासको मत लिनुपर्ने बेला नलिएको र वैशाख २७ गते संसदको नियमित अधिवेशन बोलाउनुपर्ने बेलामा विश्वासको मत लिनका लागि बैठक बोलाएर संविधान र परम्परा मिच्ने काम ओलीले गरेको उल्लेख गरिएको छ ।
ओलीले यही २७ गते विश्वासको मत लिने बताएपछि विपक्षी दलहरु कुने पनि हालतमा ओलीलाई विश्वासको मत लिन असफल पार्ने रणनीतिमा जुटेका हुन ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपस्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
डीएसपी बढुवा सिफारिसमा किन विवादमा आए प्रधानमन्त्री प्रचण्ड र अध्यक्ष ओली ?
चैत १६, २०८० शुक्रबार
पृथ्वीबाट अचानक रक्सी पूरै गायब भयो भने के हुन्छ ?
चैत १६, २०८० शुक्रबार
उप निर्वाचनलक्षित एजेन्डा पास गर्दै किसान महासंघ केन्द्रीय समितिको बैठक इलाममा सम्पन्न
चैत १६, २०८० शुक्रबार
यस्ता छन् बिहीबारको मन्त्रिपरिषद् बैठकको निर्णय
चैत १६, २०८० शुक्रबार
सेती नदीमा डुबेर डोटीमा एक किशोरको मृत्यु
चैत १६, २०८० शुक्रबार
कम्युनिष्टसँग सहकार्य गर्दा कांग्रेसले गुमाएको गौरव
चैत १६, २०८० शुक्रबार
बङ्गलादेशी नागरिकलाई नेपाल ल्याई बन्धक बनाउने पक्राउ
चैत १६, २०८० शुक्रबार
दार्चुलामा भिरबाट लडेर एक वडा सचिवको घटनास्थलमै मृत्यु
चैत १६, २०८० शुक्रबार