तोकिए ८ होटल क्वारेटाइन

२२ बैशाख, काठमाडौं । कोरोना भाइरसको दोस्रो लहरले फेरि थला परेको पर्यटन उद्योगलाई थोरै राहत होस् भनेर सरकारले राजधानीका आठवटा होटलहरुलाई क्वारेटाइन बनाउने निर्णय गरेको छ । खासगरी भारतबाट आउने यात्रुहरुलाई कम्तिमा १० दिन क्वारेटाइनमा राख्न यस्तो व्यवस्था गरिएको पर्यटन मन्त्रालयका एक सहसचिवले बताए ।

यसरी तोकिएका होटलहरुले प्रतिव्यक्ति तीन हजार रुपैयाँमा नबढ्ने गरी शुल्क लिन पाउने व्यवस्था गरिएको छ । हाल सूचीकृत गरिएका आठ होटलहरुमा गोदावरीस्थित भ्यू भृकुटी होटल – ९१ )कोठा, गुहेश्वरीस्थित माधव होटल ( ६० ) कोठा, एयरपोर्टस्थित होटल एयरपोर्ट( ८० ) कोठा रहेका छन् ।

यस्तै, गौशालामै रहेका अन्य तीनवटा होटललाई पनि सूचीकृत गरिएको छ । जसमा पशुपति भिजनस्थित अमादब्लम होटल (६३ ) कोठा, आनन्द आश्रम ( ७० ) कोठा र होटल रिडर्स इन ( ३० ) कोठा रहेका छन् ।

यसैगरी भक्तपुरको जगातीमा रहेको फार्म हाउस रिसोर्ट ( २४ ) कोठा र ए वान रिसोर्ट ( १०) कोठा पनि सूचीकृत भएका छन् । नेपाल पर्यटन बोर्डले राजधानीका विभिन्न ५० वटा होटलहरुको नाम मन्त्रालयमा पठाएकोमा यी आठवटा होटल पहिलो चरणमा सूचीकृत भएका हुन् ।