राष्ट्रियसभामा विपक्षीका उम्मेदवार खिमलाल

२२ बैशाख, काठमाडौं । राष्ट्रियसभाको रिक्त सदस्यमा आगामी जेठ ६ हुने निर्वाचनमा विपक्षी गठबन्धनले डा. खिमलाल देवकोटालाई उम्मेदवार बनाउने निर्णय गरेको छ । नेकपा एमाले कै खनाल–नेपाल समूह निकट रहेका देवकोटा प्रमुख प्रतिपक्षी नेपाली कांग्रेस, नेकपा माओवादी केन्द्र र नेकपा खनाल–नेपाल समूहको साझा उम्मेदवार हुने भएका हुन् ।

ओली नेतृत्वको नेकपा एमालेले रामबहादुर थापा ‘बादल’ लाई उम्मेदवार बनाएको छ भने माओवादीले एमाले निकट बुद्धिजीवी एवं संघीयताविद् डा. खिमलाल देवकोटालाई उम्मेदवार बनाउने भएको छ । वाम बुद्धिजीवी देवकोटालाई माओवादी, नेपाली काँग्रेस र माधव नेपाल पक्षको समर्थन रहनेछ ।

यस सम्बन्धमा हिजो साँझ महाराजगञ्जस्थित एक व्यापारीको निवासमा भेला भएका कांग्रेस सभापति शेरबहादुर देउवा, माओवादी अध्यक्ष पुष्पकमल दाहाल प्रचण्ड, राजपा अध्यक्ष उपेन्द्र यादव र नेकपा एमाले नेता माधवकुमार नेपालबीच सहमति जुटेको हो ।

नेकपा एमालेको संस्थापन पक्षले भने यसअघि नै रामबहादुर थापा बादललाई आफ्नो तर्फबाट उमेदवार बनाउने निश्चय गरिसकेको छ । माओवादीबाट विजयी भएका बादलले पार्टी परित्याग गरेकाले उनलाई हटाइएपछि रिक्त स्थानमा निर्वाचन हुँदैछ ।