१६ कम्पनीको शेयरमा लाग्यो सकारात्मक सर्किट

२२ बैशाख, काठमाडौं । साताको चौथो कारोबारको दिन आज दिनभरिमा २ सय १८ वटा कम्पनीको १ करोड ६८ लाख ४७ हजार कित्ता शेयर किनबेच हुँदा ६ अर्ब २१ करोड रुपैयाँमाथिको शेयर कारोबार भएको छ ।

आज सर्वाधिक कारोबार गर्ने कम्पनीमध्ये १६ कम्पनीको शेयरमा सकारात्मक सर्किट लागेको छ ।

त्यस्तै, यस दिन शेयरबजारमा रिडि हाइड्रो कम्पनी र रैराङ हाइड्रोपावर डेभलपमेण्ट कम्पनी लिमिटेडको शेयरमूल्य अघिल्लो दिनको तुलनामा १० प्रतिशतले वृद्धि भएको छ । विशाल बजार कम्पनीका लगानीकर्ताले ९ दशमलव ९९ प्रतिशतका दरले कमाएका छन् ।

त्यस्तै, महिला लघुवित्त, सिंगटी हाइड्रो, छुयाङदी हाईड्रो, समता घरेलु लघुवित्त, लिबर्टी इनर्जी, राधी विद्युत कम्पनी र जोशी हाइड्राका लगानीकर्ताले सर्वाधिक कमाएका छन् ।