अक्सिजनको कालोबजारी भइरहेको भन्दै अफवाह फैलाउने पक्राउ

२२ बैशाख, धनगढी । नेपाल प्रहरीले कोरोना जोखिमको महामारीमा अक्सिजनको कालोबजारी भइरहेको भन्दै अफवाह फैलाएको आरोपमा एक जनालाई पक्राउ गरेको छ । प्रहरीले धनगढीबाट ६५० सिलिन्डर अक्सिजन कालोबजारी गरेर पहाडतिर ट्रकमा लैजाँदै गरेको भन्दै झूठो हल्ला फैलाएकाले ​धनगढी उपमहानगरपालिका–१ का तेजबहादुर खड्कालाई पक्राउ गरेको हो ।

खड्काले सामाजिक सञ्जाल फेसबुकमा कालोबजारी भएको भन्दै गलत कुरा सार्वजनिक गरेको पाइएकाले पक्राउ गरिएको चौधरीले बताए । उनीमाथि सोधपुछ गर्ने काम भइरहेको प्रहरीले जनाएको छ ।