जेष्ठ नागरिकलाई आधारभुत शिक्षा दिने भरतमोहन अधिकारी फाउण्डेसनको घोषणा
नेपालबहस संवाददाता
बैशाख २२, २०७८ बिहिबार ०:३७:४९
२२ बैशाख, काठमाडौं । पुर्व उपप्रधान तथा अर्थमन्त्री स्वर्गिय भरतमोहन अधिकारीको ८६ औ जन्मजयन्तीको अवसर पारेर जेष्ठ नागरिकका लागि आधारभुत शिक्षा कार्यक्रम संचालनको घोषणा गरिएको छ ।भरतमोहन अधिकारी स्मृति फाउण्डेसनद्वारा आज आयोजित वेमिनार कार्यक्रम माझ उक्त घोषणा गरिएको हो । स्व। नेता अधिकारीकी सुपुत्री एवम् भरतमोहन अधिकारी स्मृति फाउण्डेसनकी संस्थापक लिमा अधिकारीले उक्त घोषणा गरिन ।
उक्त साक्षरता कार्यक्रम घोषणा गर्दै अधिकारीले ३० जना जेष्ठ नागरिकलाई समेटेर १ बर्षसम्म सार्वजनिक विदाको दिनमा बाहेक हरेक दिन २ घण्टा कक्षा संचालन गरिने जानकारी दिइन । सोका लागि फाउण्डेसनले स्थानिय एक जना संयोजक र एक प्रमुख शिक्षक एवम् एक जना सहायक शिक्षकको व्यवस्था र १२ महिनासम्मका लागि स्टेसनरी, व्याग, मोबाइल, पोशाक, खाजा, बस सेवा आदी निशुल्क रुपमा उपलब्ध गराउने जानकारी दिइन । कार्यक्रम शुरुको चरणमा बूङमतीबाट शुरु गरि देशका ७ वटै प्रदेशमा पुर्याईने पनि उनले जनाईन् ।
सो अवसरमा शिक्षाविद गोविन्द गजुरेलले जेष्ठ नागरिक सम्बन्धी ऐन अड्किदा र बजेट कम हुँदै जाँदा भरतमोहन अधिकारीको अभाव खटकिएको बताउदै साक्षरता कार्यक्रमले युग अनुरुप जीवनयापन गर्न जेष्ठ नागरिकलाई सघाउ पुग्ने उल्लेख गरे । साथै, उनले जेष्ठ नागरिकलाई चिन्ह एवम् संकेत आदीको माध्यमबाट पानी तताउने, खाना बनाउने, मोबाईल चलाउने, सामान्य हरहिसाब गर्ने, इन्टरनेट चलाउन सक्ने बनाउने जस्ता जीवनोपयोगी शिप र प्रविधिमैत्री ज्ञान उपलब्ध गराउने उदेश्य रहेको प्रस्ट पारे ।
कार्यक्रममा शिक्षाविद गोविन्द गजुरेलले भरतमोहन अधिकारीको नाम आउने वित्तिकै सँगसँगै जेष्ठ नागरिकको बिषय आउने मानक स्थापित भएको तर्क पेश गर्दै स्वर्गिय अधिकारीले बजेट मार्फत मात्र नभई अन्य सामाजिक गतिविधी, कार्यक्रम र राजनीतिक एजेण्डामा पनि जेष्ठ नागरिकको अधिकारको सवाललाई स्थान दिलाउन र स्थापित गराउन नेतृत्वदायी भूमिका निर्वाह गरेकाे उल्लेख गरे ।
कार्यक्रम माझ बूङमतीका स्थानिय अभियन्ता एवम् शिक्षाविद जनकलाल तुलाधरले बूङमतीबाट अभियान शुरु हुन लागेकोमा खुशी व्यक्त गर्दै प्रेरणादायी व्यक्तित्व स्व। भरतमोहन अधिकारीको स्मृतिमा स्थापित फाउण्डेसनले जेष्ठ नागरिकको क्षेत्रमा पुर्याउदै आएको भूमिकाको सर्हाना समेत गरे ।
कार्यक्रममा सभापतिको आसनबाट बोल्दै फाउण्डेसनकी अध्यक्ष सबिता अधिकारीले स्व भरतमोहन अधिकारीले जीवनपर्यन्त जेष्ठ नागरिकको हितलाई केन्द्रमा राखेर अग्रमोर्चामा उभिदै आएको स्मरण गर्दै २०५१ सालमा अर्थमन्त्रीको हैसियतले उहाँले आफ्नो अन्तरमनको चाह अनुरुप बजेट मार्फत ब्रिद्ध भत्ताको सुत्रपात गरेको बताईन । साथै उनले घर घरबाट जेष्ठ नागरिकको सम्मान हुन सके मात्रै स्व। भरतमोहन अधिकारी प्रति उच्च सम्मान भएको आफुले महशुश गर्ने विचार व्यक्त गरिन ।
कार्यक्रममा संस्थाका सल्लाहकारहरु कृष्ण आचार्य, केशव आचार्य, उर्मिला श्रेष्ठ, सबित्रा भुसाल, कोषाध्यक्ष सुदिप आचार्य, नेताहरु शान्ती अधिकारी, गरिमा शाह, रमेश विष्ट, खम्ब खत्री लगायतको सहभागीता रहेको थियो ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपआइतबारदेखि मौसममा क्रमिक सुधार हुने
चैत १६, २०८० शुक्रबार
कस्तो छ आजको मौसम ?
चैत १५, २०८० बिहिबार
महिला ‘गाइड’लाई ‘रेस्क्यू’ सम्बन्धी तालिम
चैत १४, २०८० बुधबार
डीएसपी बढुवा सिफारिसमा किन विवादमा आए प्रधानमन्त्री प्रचण्ड र अध्यक्ष ओली ?
चैत १६, २०८० शुक्रबार
पृथ्वीबाट अचानक रक्सी पूरै गायब भयो भने के हुन्छ ?
चैत १६, २०८० शुक्रबार
उप निर्वाचनलक्षित एजेन्डा पास गर्दै किसान महासंघ केन्द्रीय समितिको बैठक इलाममा सम्पन्न
चैत १६, २०८० शुक्रबार
यस्ता छन् बिहीबारको मन्त्रिपरिषद् बैठकको निर्णय
चैत १६, २०८० शुक्रबार
सेती नदीमा डुबेर डोटीमा एक किशोरको मृत्यु
चैत १६, २०८० शुक्रबार
कम्युनिष्टसँग सहकार्य गर्दा कांग्रेसले गुमाएको गौरव
चैत १६, २०८० शुक्रबार
बङ्गलादेशी नागरिकलाई नेपाल ल्याई बन्धक बनाउने पक्राउ
चैत १६, २०८० शुक्रबार
दार्चुलामा भिरबाट लडेर एक वडा सचिवको घटनास्थलमै मृत्यु
चैत १६, २०८० शुक्रबार