कोरोना संक्रमित पूर्वरानीकाे स्वास्थ्यमा सुधार

२२ बैशाख, काठमाडौं । कोरोना भाइरस संक्रमित पूर्वरानी कोमल शाहलाई स्वास्थ्यमा सुधार आएपछि आईसीयूबाट वार्डमा सारिएको छ । कोरोना संक्रमण भई नर्भिक अस्पतालमा उपचाररत पूर्वरानी शाहलाई आईसीयूबाट वार्डमा सारिएको हो

स्वास्थ्य अवस्थामा सुधार आएपछि उनलाई वार्डमा सारिएको अस्पतालको कम्युनिकेसन एण्ड पीआर डिपार्टमेन्टले जनाएको छ । पूर्वराजा ज्ञानेन्द्र शाह, उनकी पत्नी कोमल र छोरी प्रेरणा कोरोना संक्रमण भई १२ दिनअघि नर्भिक अस्पतालमा भर्ना भएका थिए । पूर्वरानी कोमललाई गत बिहीबारदेखि प्लाज्मा थेरापी विधिबाट उपचार थालिएको थियो ।

उनको आईसीयूमै राखेर उपचार भइरहेकोमा स्वास्थ्य अवस्थामा सुधार भएपछि आजदेखि वार्डमा सारिएको हो । उनको स्वास्थ्य अवस्थामा क्रमिक र दैनिक रुपमा सुधार भइरहेको छ’ अस्पतालको विज्ञप्तिमा भनिएको छ । पूर्व राजा ज्ञानेन्द्र शाह र पूर्व अधिराजकुमारी प्रेरणाको भने अवस्था सामान्य छ ।