विरामीलाई खान खुवाउन संघसंस्था गुहार्दै सरकारी अस्पताल

२३ बैशख, काठमाडौं । रुपन्देही  बुटवल कोरोना विशेष अस्पतालमा आइसोलेसन रहेका संक्रमितहरुलाई खान खुवाउन नसकिएको भन्दै अस्पतालले सामाजिक संघ संस्थासँग सहयोगको अपील गरेको छ  । लुम्बिनी प्रादेशिक अस्पतालका प्रवक्ता डाक्टर बिष्णु गौतमले बिल भुक्तानी गर्न स्वास्थ्य निर्देशनालयले आनाकानी गरेपछि खाना खुवाउन समाजिक संघ सस्था गुहार्न परेको बताएका छन् ।

‘गत वर्ष अस्पताल आफैले त्यहाँ उपचार गराएका संक्रमितलाई खान खुवाएको थियो ।  त्यसको बिल भुक्तानी गर्न स्वास्थ्य निर्देशनालयले आनाकानी गरिरहेकोले तिर्न  नसकेर यसपाली संक्रमितका परिवारले खुवाउनुस् भन्न बाध्य छौं,’ डाक्टर गौतमले भने ।

यसै गरी अस्पतालमा अक्सिजनको अभाव हुने देखिएको छ।   बुधबार साँझ ६० वटा  सिलिन्डर झारिएकोमा अब १० वटा मात्रै जडान गर्न बाँकी रहेको बताउँदै त्यसले आज दिउँसोसम्म अस्पताले बताएको छ ।

अक्सिजनको तत्काल आपुर्ति गर्न यस सम्वन्धमा अस्पताल प्रशासनले स्थानीय प्रशासनलाई जानकारी गराइसकेको छ । कोरोना बिशेष अस्पतालमा  दैनिक १ सय ५ सिलिन्डरले थेग्दै आएकोमा अहिले माग बढेर ५ सय सिलिन्डर पुगेको बताउँदै  उनले आपुर्ति कम हुँदै गएको छ ।