बालुवाटारमा ओलीले बोलाए आकस्मिक स्थायी समिति बैठक

२३ बैशाख, काठमाडौं । नेकपा एमाले अध्यक्ष केपी ओलीले आकस्मिक स्थायी समिति बैठक बोलाएका छन् । प्रधानमन्त्री निवास बालुवाटारमा बैठक केहीबेरमा सुरु हुने बताइएको छ । बैठकमा आगामी बैशाख २७ प्रधानमन्त्रीले लिने विस्वासको मत, आगामी बैशाख ६ गते हुने वागमतीको राष्ट्रिय सभा सदस्य निर्वाचन लगायतका विषयमा छलफल हुने छ ।

बैठकमा बुधबार कांग्रेस सभापति शेरबहादुर देउवासँगको भेटवार्ताबारे पनि प्रधामन्त्री समेत रहेका ओलीले व्रिफिङ गर्नेछन् । यस्तै बैठकले उपनिर्वाचनमा एमालेको तर्फबाट रामबहादुर थापा बादल नै उम्मेदवार हुने पनि बैठकले औपचारिक निर्णय गर्ने बताइएको छ। स्रोतका अनुसार लुम्बिनी प्रदेशमा हुने उपनिर्वाचनको पनि मिति तोकिएकोले त्यहाँको उम्मेदवारको पनि आजको बैठकले नै टुंगो लगाउने बुझिएको छ।

नेता नेम्वाङले यसका साथै पछिल्लो राजनीति घटनाक्रम र कोभिड १९ को रोकथाम र नियन्त्रणका विषयमा चाल्नुपर्ने थप प्रभावकारी कदमका बारेमा पनि बैठकमा छलफल हुने बताए।