उम्मेदवारको मनोनयन दर्ता आज, निर्वाचनबाट भाग्न खोज्दै गृहमन्त्री

२४ बैशाख, काठमाडौं । राष्ट्रियसभा सदस्यको उपनिर्वाचनका लागि उम्मेदवारको मनोनयन दर्ता  आज हुँदै छ । माओवादी केन्द्र, कांग्रेससहितका विपक्षी दलले साझा उम्मेदवारका रुपमा डाक्टर खिमलाल देवकोटालाई उठाउने निर्णय यसअघि नै गरिसेका छन  ।

यता माओवादी छाडेर एमालेमा गएका रामवहादुर थापा बादल उम्मेदवार बनाइने भएपनि थापा उम्मेदवार बन्न नचाहेको बताइएको छ । विपक्षीहरु एकै ठाउँमा हुँदा हार्ने निश्चित भएपछि थापा उम्मेदवार बन्न नचाहेका हुन । तर एमाले भित्र एक पक्ष भने हार्ने भएपनि थापालाई नै  उम्मेदवार बनाउन दावाव दिदै आएको छ ।

थापा एमालेमा प्रवेश भएपछि खालि रहेको उनकै रिक्त सिटमा  आगामी जेठ ६ गते हुने उपनिर्वाचनका लागि निर्वाचन आयोगले आज मनोनयन दर्ता गर्ने मिति तोकेको हो।  उम्मेदवारले विहान १० बजेदेखि दिउँसो चार बजेसम्मको समय तोतकेको छ। उम्मेदवारको नामावली पनि आजै प्रकाशित हुने आयोगले जनाएको छ ।