संसदमा कोरोना परीक्षण गराएकामध्ये १६० जनाको रिपोर्ट पोजेटिभ

२५ बैशाख, काठमाडौं । संसदमा कोरोना परीक्षण गराएकामध्ये १६० जनाको रिपोर्ट पोजेटिभ आएको छ ।  वैशाख २७ गते बस्ने संघीय संसदको बैठकका लागि कोरोना परीक्षण गराएका सांसद, संसदका कर्मचारी तथा पत्रकारमध्ये १६० जनाको रिपोर्ट पोजेटिभ आएको हाे । याे सँगै  कोरोना संक्रमण पुष्टि हुने प्रतिनिधिसभा सदस्यको संख्या १८ पुगेको छ ।

यही वैशाख २२, २३ र २४ गते गरिएको १ हजार २३५ जनाको परीक्षणमा ११.९७ प्रतिशतमा कोरोना पुष्टि भएको संसद सचिवालयले जनाएको छ। सचिवालयका अनुसार २०५ जना सांसद तथा १ हजार ३० जना कर्मचारी एवम् पत्रकारको कोरोना परीक्षण गरिएको थियो।

जसमध्ये राष्ट्रियसभाका १ सहित १९ जना सांसदको रिपोर्ट पोजेटिभ आएको छ। त्यस्तै सघीय संसद सचिवालयका कर्मचारी, मर्यादापालक, स्वकीय सचिव, सुरक्षाकर्मी, संसदीय मामिला पत्रकार र संसद रहेको बीआईसीसीका कर्मचारी गरी १४१ जनामा कोरोना पुष्टि भएको छ।

पोजेटिभ रिपोर्ट आएका २६ सांसद
– झलनाथ खनाल
– मुकुन्द न्यौपाने
– मायादेवी न्यौपाने
– पार्वती डिसी चौधरी
– राजेन्द्रप्रसाद गौतम
– नन्दलाल रोका क्षेत्री
– लालबाबु पण्डित
– लक्ष्मणलाल कर्ण
– नरमाया ढकाल
– महेश बस्नेत
– रामबाबु यादव
– गोपालबहादुर बम
– नमीता कुमारी चौधरी
– शान्तिमाया तामाङ
– विना कुमारी श्रेष्ठ
– रेनुका गुरुङ
– जुलीकुमारी महतो
– रघुवीर महासेठ
– किसान श्रेष्ठ
– सुरेश कुमार राई
– पुष्पा कुमारी कर्ण कायस्थ
– भानुभक्त ढकाल
– बीना मगर
– भरतकुमार शाह
– प्रमोद शाह
– दिपकप्रकाश भट्ट