माओवादी र जसपाका नेताहरुसँग देउवाको गोप्य बैठक

२५ बैशाख, काठमाडौं । नेपाली कांग्रेसका सभापति शेरबहादुर देउवा प्रधानमन्त्री केपी ओलीविरुद्ध अविश्वासको प्रस्ताव ल्याउने विषयमा नेकपा माओवादी केन्द्र र जसपाबीच गोप्य बैठक जारी छ ।

नयाँ बानेश्वरस्थित संसद भवनमा पार्टीको संसदीय दलको बैठककै बीचबाट सभापित देउवा गोप्य बैठकमा सहभागी हुन निस्केको खुलेको छ। स्रोतका अनुसार देउवा दलहरुसँगको छलफलमा सहभागी हुन बाहिरिएको बताइएको छ ।

माओवादी र जसपाका नेताहरुसँगको गोप्य बैठकका लागि उनी निस्के पनि छलफल कहाँ हुन लागेको छ भन्ने केही खुलाइएको छैन। एमालेको माधव नेपाल पक्षले विश्वासको मत दिएमा ओलीविरुद्धको अविश्वास प्रस्ताव पास हुन नसक्ने निष्कर्ष निकालेको कांग्रेस र माओवादी केन्द्र एमालेकै माधव नेपाल पक्षले लिने निर्णयको पर्खाइमा छ।

त्यही कारणले पनि अहिलेसम्म अविश्वासको प्रस्ताव दर्ता भइसकेको छैन। ओलीले आफू असफल भएमा फेरि संसद् विघटन गर्ने आशंका कांग्रेस र माओवादी केन्द्रको छ।