कोरोनाबाट गण्डकीमा एकैदिन ११ जनाको मृत्यु

२६ बैशाख, पोखरा । ज्यानमारा कोरोना भाइरसबाट गण्डकी प्रदेशमा पछिल्लो २४ घण्टामा ११ जनाको मृत्यु भएको छ । कोरोनाबाट गण्डकीमा एकैदिन ज्यान गुमाउने यो नै अहिलेसम्मको धेरै संख्या हो ।

प्रदेश स्वास्थ्य निर्देशनालयले जारी गरेको विज्ञप्ति अनुसार कास्कीका मात्रै ६ जनाले ज्यान गुमाएका छन् । त्यस्तै स्याङ्जाका २, म्याग्दी, पर्वत र रुपन्देहीका १ र १ जनाले ज्यान गुमाएका छन् ।

ज्यान गुमाउने ३१ देखि ६० वर्ष उमेर समूहका छन् । मृत्यु हुने ३१ वर्षीया युवती पोखरा महानगरपालिका ९ निवासी रहेका छन् । हालसम्म गण्डकी प्रदेशमा कोरोना संक्रमणबाट २ सय ६२ जनाले ज्यान गुमाइसकेका छन्।