महिला लघुवित्तसहित पाँच कम्पनीको शेयर मूल्यमा उच्च गिरावट, कुन–कुन कम्पनीको घट्यो ?

२६ वैशाख, काठमाडौं । शेयरबजारमा आज सामान्य अंकले करेक्सन आएको छ । बजारमा सामान्यको करेक्सन आउँदा महिला लघुवित्तसहित ६ कम्पनीको शेयरमा गिरावट आएको हो । यस दिन कारोबारमा अएका २१९ कम्पनी मध्ये ६ कम्पनीको शेयर मूल्यमा उच्च गिरावट आएको छ ।

सबैभन्दा बढी महिला लघुवित्त वित्तीय संस्थाको शेयर मूल्यमा उच्च गिरावट आएको हो । कम्पनीको शेयर मूल्य अघिल्लो कारोबार दिनको तुलनामा १० प्रतिशतले घटेको हो ।

त्यसैगरी बिशाल बजार कम्पनीको शेयर मूल्य ९ दशमलव ९९ प्रतिशत ,सिंगटी हाइड्रो इनर्जीको ९ शदमलव ५६ प्रतिशत, युनियन हाइड्रोपावरको ९ दशमलव २४ प्रतिशत,सर्पोट माइक्रोफाइनान्सको ७ शदमलव ४४ प्रतिशत र रैराङ हाइड्रोपावर डेभलपमेण्ट कम्पनीको शेयर मूल्य ७ दशमलव २९ प्रतिशतका दरले घटेको छ । ती छ ओटै कम्पनीको शेयरमा खरीदकर्ताभन्दा विक्रेता हावी भएकाले उच्च गिरावट आएको हो ।

महिला लघुवित्तको शेयर मूल्य प्रतिकित्ता  ४ हजार ५२७, बिशाल बजार कम्पनीको ६ हजार ४५,सिगंटी हाइड्रोको  ४३५,युनियन हाइड्रोपावरको १६७, सपोर्ट माइक्रोफाइनान्सको २ हजार ३५१ र रैराङ हाइड्रोपावरको  ४०७ पुगेको छ ।

यसअघि केही कम्पनीको शेयर मूल्य सर्किट लेबलमा वृद्धि हुँदै आएको थियो । पुन: अल्पकालीन लगानीकर्ताले नाफा बुक गरेकाले घटेको हो भने महिला लघुवित्त र सिंगटी हाइड्रोको शेयरमा आईपीओमा परेको शेयर बेच्नेहरुको संख्या धेरै भएकाले गिरावट आएको हो ।

महिला लघुवित्तको हकमा लगातार आइतवार ३४ औं दिनमा आएर नकारात्मक सर्किट लागेको हो ।

धेरै कमाउने कम्पनी

यस दिन शेयरबजारमा तीन वाणिज्य बैंकसहित नौ कम्पनीका लगानीकर्ताले सर्वाधि कमाउन सफल भएका छन् । यस दिन बैंक अफ काठमाडौं, सनराइज बैंक, कुमारी बैंक,राष्ट्रिय बीमा कम्पनी, रुरु जलविद्युत, समता घरेलु लघुवित्त, माउन्टेन इनर्जी, कर्पोरेट डेभलपमेन्ट बैंक र शाइन रेशुङा बैंकका लगानीकर्ताले धेरै कमाएका छन् ।

यस दिन समता घरेलु लघुवित्त र रु रु जलविद्युतका लगानीकर्ताले ९ प्रतिशत बढिका दरले कमाएका छन् ।

यस दिन घरेलु लघुवित्त लघुवित्तको शेयरमूल्य ८७२ रुपैयाँ, रु रु हाइड्रोको ५४८ रुपैयाँ, रुपैयाँ, राष्ट्रिय बीमा कम्पनीको १७ हजार ७५०, बैंक अफ काठमाडौं ३१४, सनराइज बैंकको ३११, कुमारी बैंकको ३१९, माउन्टेन इनजीको ७८७, कर्पोरेट डेभलपमेन्ट बैंकको ६७५ र शाइन रेशुङा बैंकको प्रतिशेयरमूल्य २७१ रुपैयाँ पुगेको छ ।