माधव नेपाल र ओली समुहबीचको वार्ता निष्कर्षबिहीन

२६ बैशाख, काठमाडौं । नेकपा एमालेका अध्यक्ष एवम् प्रधानमन्त्री केपी ओली र वरिष्ठ नेता माधवकुमार नेपाल पक्षबीच सिंहदरबारमा भएको वार्ता बिनानिष्कर्ष सकिएको छ ।

नेपाल पक्षका सांसदले राजीनामा दिने तयारी गरिरहेका बेला ओलीका तर्फबाट नेता सुवास नेम्बाङ र विष्णु पौडेल नेता नेपाललाई भेट्न सिंहदरबार पुगेका थिए।

सिंहदरबारस्थित लेखा समितिको बैठकमा भएको वार्तामा कुनै ठोस सहमति भने भएको छैन । वार्तापछि बाहिरिने क्रममा नेता नेम्बाङले पार्टीभित्र देखिएको विवादलाई टुंगोमा पुर्याउने विषयमा नै छलफल भएको बताए ।

परिस्थिति हेरर आफूहरुले निर्णय लिने र त्यस विषयमा छलफल भइरहेको नेपाल समुहले जनाएकाे छ । नेपाल समुहका अनुसार पुनः छलफल गर्ने सहमति भएको छ । ओलीले विश्वासको मत लिने समय नजिकिएसँगै एमालेभित्रको विवाद उत्कर्षमा पुगेको छ ।