ओलीले विश्वासको मत लिने प्रक्रिया सोमबारै सकिने

२६ बैशाख, काठमाडौं । प्रतिनिधिसभाको कार्यव्यवस्था परामर्श समितिले विश्वासको मतको प्रक्रिया सोमबार नै सक्ने गरी सहमति जनाएको छ । प्रधानमन्त्री केपी ओलीले सोमबार प्रतिनिधिसभाबाट विश्वासको मत लिँदै छन् ।

त्यस्तै, बैठकले कोरोना संक्रमित सांसदहरू पनि मतदान प्रक्रियामा सहभागी हुन पाउने निर्णय गरेको पनि गरेको छ । संसद सचिवालयका प्रवक्ता डा. रोजनाथ पाण्डेका अनुसार सोमबार चल्ने प्रतिनिधिसभा बैठकको तयारीमाथि छलफल गर्न आइतबार कार्यव्यवस्था परामर्श समितिको बैठक बसेको हो ।

सोमबार १ बजेका लागि प्रधानमन्त्री ओलीले विश्‍वासको मत लिने प्रयोजनका लागि प्रतिनिधिसभाको अधिवेशन आह्वान गरिएको छ ।