राजीनामा दिने राजनीतिक अपराधीः ओली

२६ बैशाख, काठमाडौं । प्रधानमन्त्रीसमेत रहेका नेकपा एमालेका अध्यक्ष केपी ओलीले भोलि संसदमा आफूले विश्वासको मत लिने सन्दर्भमा आफ्ना पार्टीका सांसदहरुलाई सहयोग गर्न आह्वान गरेका छन् । साथै, असन्तुष्ट पक्षले राजीनामा गर्ने भन्ने सन्दर्भमा आएको हल्लालाई उनले अपराध कर्म भनेका छन् ।

अध्यक्ष ओलीले आज जारी गरेको प्रेस विज्ञप्तिमा यस्तो उल्लेख गरेका हुन् । आफ्नै सरकारविरुद्ध फ्लोर क्रस गर्ने, राजीनामा गर्ने वा अविश्वासको पक्षमा उभिने काम अपराध कर्म भएकाले कसैलाई पनि यस्तो गलत काममा सरिक नहुन अपिल गर्दछु– विज्ञप्तिमा उल्लेख छ ।

के कस्ता क्रियाकलापमा सरिक हुनेलाई इतिहासले माफी गर्ला ? सोचौं भोलि हामी जनतालाई के जवाफ दिन्छौं ? तसर्थ यस्तो अपराध कर्ममा जानी नजानी कुनै पनि हिसाबले संलग्न नहुन म पार्टी अध्यक्षको हैसियतले सबैलाई हार्दिक आह्वान र आग्रह गर्दछु – विज्ञप्तिमा उल्लेख छ ।