टेष्ट च्याम्पियनशिपपछि भारतले श्रीलंकासँग वानडे र टी–२० सिरिज खेल्ने

२७ वशाख, काठमाडौं । भारतले श्रीलंकासँग एकदिसीय र टी–२० सिरिज खेल्ने भएको छ । भारतले टेष्ट च्याम्पियनशिपको फाइनलपछि श्रीलंकासँग एकदिसीय र टी–२० खेल्न लागेको हो ।

भारतीय क्रिकेट कन्ट्रोल बोर्ड (बीसीसीआई)का अध्यक्ष सौरभ गांगुलीले भारतले श्रीलंकामा तीन एकदिवसीय र पाँच टी-२० म्याचको सिरिज खेल्ने जानकारी दिए ।

एक अनलाइनसँगको कुराकानीमा उनले भारत इंग्ल्याण्डबाटै जुनमा श्रीलंका भ्रमणमा जाने बताए ।

श्रीलंकासँगको सिरिज सकाएर भारत फेरि टेष्ट सिरिज खेल्न इंग्ल्याण्ड फर्किने छ । भारत र श्रीलंकाबीच अन्तिम पटक २०१९/२० मा टी-२० सिरिज भएको थियो । सो सिरिज भारतले २-० ले जितेको थियो ।