तीन अर्ब बढि बीमाशुल्क गरेको सूर्या लाइफको मुनाफा कति ?

२७ वशाख, काठमाडौं । सूर्या लाइफ इन्स्योरेन्सले चालु आर्थिक वर्षको तेस्रो त्रैमाससम्ममा २९ करोड १० लाख रुपैयाँ खुद नाफा कमाएको छ । यो गत आर्थिक वर्षको यसै अवधिको तुलनामा ५५.८८ प्रतिशतले बढी हो ।

गत आर्थिक वर्षको यहि अवधिमा इन्स्योरेन्सले १८ करोड ६७ लाख रुपैयाँ खुद नाफा कमाएको थियो ।तेस्रो त्रैमाससम्ममा ३ अर्ब २३ करोड १३ लाख रुपैयाँ बीमाशुल्क आर्जन गरेको छ । यो गत आर्थिक वर्षको यहि अवधिको तुलनामा ८२।५४ प्रतिशतले बढी हो ।

गत आर्थिक वर्षको तेस्रो त्रैमाससम्ममा इन्स्योरेन्सले १ अर्ब ८६ करोड ७० लाख रुपैयाँ खुद बीमाशुल्क आर्जन गरेको थियो । यस्तै इन्स्योरेन्सले लगानी कर्जा तथा अन्य आयबाट ६१ करोड ५९ लाख रुपैयाँ र बीमालेख धितोबाट ७ करोड ३१ लाख रुपैयाँ आम्दानी गरेको छ ।

चुक्ता पूँजी २ अर्ब २६ करोड २८ लाख रुपैयाँ रहेको इन्स्योरेन्सको जगेडा कोषमा ८० करोड ८५ हजार रुपैयाँ, जीवन बीमा कोषमा १० अर्ब १ करोड ३८ लाख रुपैयाँ र महाविपत्ति कोषमा १४ करोड २९ लाख रुपैयाँ सञ्चित छ ।

सो अवधिसम्ममा कम्पनीले ४ हजार ८३९ वटा दाबी बापत ५७ करोड ६ लाख रुपैयाँ भुक्तानी गरेको छ भने ९२ वटा दाबी बापत ३ करोड ६१ लाख रुपैयाँ भुक्तानी गर्न बाँकी छ ।

कम्पनीको वार्षिक प्रतिशेयर आम्दानी १७ रुपैयाँ १५ पैसा, प्रतिशेयर नेटवर्थ १३० रुपैयाँ ९७ पैसा र मूल्य आम्दानी अनुपात ४८.९३ गुणा छ ।