बहुमतको सरकार बनाउने कसरतमा विपक्षी गठवन्धन

२७ बैशाख, काठमाडौ । प्रधानमन्त्री केपी शर्मा ओलीले विश्वासको मत नपाउने भएपछि  नेपाली  कांग्रेसका सभापति शेरबहादुर देउवा र माओवादी केन्द्रका अध्यक्ष पुष्पकमल दाहाल ‘प्रचण्ड’ले बहुमतीय सरकार गठनका सम्वन्धमा छलफल सुरु गरेका छन् ।

प्रधानमन्त्री केपी शर्मा ओलीले प्रतिनिधिसभामा विश्वासको मत लिनुअघि नेपाली कांग्रेसका सभापति देउवा र नेकपा माओवादी केन्द्रका अध्यक्ष प्रचण्डबीच भएको भेटवार्तामा ओलीलाई विश्वासको मत नमिल्ने निश्चित भएकाले बहुमतीय सरकार गठनका लागि पहल गर्ने सहमति बनेको छ ।

बहुमतीय सरकार गठनका लाथि अन्य दलसँग थप छलफल गर्दै जाने सहमति भएको कांग्रेस संसदीय दलका प्रमुख सचेतक बालकृष्ण खाँडले जानकारी दिए । एमालेकै माधवकुमार नेपाल समूहले पनि मतदानमा सहभागी नहुने निर्णय गरेकाले प्रधानमन्त्रीले विश्वासको मत नपाउने पक्का छ । प्रधानमन्त्रीले संसदमा विश्वासको मत नपाएपछि राष्ट्रपतिले बहुमतको सरकार गठनका लागि आव्हान गर्ने बताइएको छ ।

केहीबेरमा प्रधानमन्त्री ओलीले संसदमा विश्वासको मत लिदैछन् । एमालेको माधव नेपाल पक्षले विश्वास मत लिने बैठकमा सहभागी नहुने निर्णय गरेको छ ।