विश्वासको मत लिन सुरु भयो मतदान [ लाइभ ]

२७ बैशाख, काठमाडौं । प्रधानमन्त्री केपी शर्मा ओलीले विश्वासको मत लिन बोलाएको प्रतिनिधिसभाको बैठक सुरु भएको छ ।  विश्वासको मतसम्बन्धि प्रस्ताव पेश गर्दै प्रधानमन्त्री ओलीले बोल्न सुरु गरेका छन् । यसअघि संसद बैठक १५ मिनेटपछि बस्ने गरि स्थगित भएको थियो ।

संसदमा प्रधानमन्त्री ओलीले सरकारलाई संसदको विश्वास छ भनेर गरेको प्रस्तावमा मतदान हुँदैछ । सभामुख अग्नि सापकोटाले बैठकको शुरुमा राष्ट्रपति कार्यालयबाट आएको पत्र पढेर सुनाए ।

त्यसपछि सदनको अध्यक्षता गर्ने सदस्यहरु मनोनयन गरेर बैठक स्थगित गरेका हुन् । अब बस्ने बैठकमा नेताहरुले बोल्नेछन् । अनि विश्वासको मतमा मत विभाजन हुनेछ ।