अविश्वास प्रस्तावमा मतदान सुरु

२७ बैशाख, काठमाडौं । प्रधानमन्त्री केपी ओलीले आफ्नो द्विविधा अन्त्य गर्दै अन्ततः विश्वासको मत लिने निधो गरे । सोही बमोजिम यतिबेला प्रतिनिधिसभामा उनी सहभागी छन् । आफ्नो सरकारले राम्रो काम गरेको उनको दावी रह्यो ।

तर आज लुम्बिनी प्रदेशकै घटना दोह¥याउने उनको मनसाय राष्ट्रपति र माधव नेपालका कारण तुहिएको हो । माधव नेपालहरुले म्तदानका लागि सहभागी हुने निर्णय गरेका थिए भने ओलीले संसद् अधिवेशन सुरु हुनु अगावै राजीनामा दिएर फेरि ठूलो पार्टीको नेताको हैसियतमा सपथ लिने तयारी गरेका थिए ।

नेपाल पक्षले संसद्मा भागै नलिने निर्णय गरेपछि उनी हच्किएका हुन् । साथै, राष्ट्रपतिले पनि संसद् फेस गरेर मात्रै प्रकृया अघि बढाउन सल्लाह दिएपछि ओलीले संसद्मा आफ्नो शक्ति परीषण गर्न लागेका हुन् ।

अहिलेसम्मको स्थिति हेर्दा ओलीले वहुमत पाउने छैनन् । यसको छिनोफानो अब केही बेरमै भइहाल्छ । तर विश्वासको मत नपाए ओलीले के गर्लान् ? धेरैलाई जिज्ञाशा छ । ओली निकट स्रोतका अनुसार, आजै उनले राजीनामा दिने छन् । साथै, उनी विपक्षीलाई समेत सरकार बनाउने मौका दिने पक्षमा छन् ।

तर विपक्षीले वहुमत जुटाउने सम्भावना नरहेकाले लार्जेस्ट पार्टीका नेताका हैसियतले उनले नै सरकार बनाउने छन् । ३० दिन भित्र विश्वासको मत नपाएपछि उनी मंसिरमा अर्ली इलेक्सन गर्न तयारीमा छन् । ओलीको सामान्य रोडम्याप यही हो ।