उपत्यकामा दुई साता निषेधाज्ञा थप्ने तयारी

२७ बैशाख, काठमाडौं । कोरोना कहरकै बीच राजनीति दलहरु सत्ता राजनीतिमा जुटेकै बेला उपत्यकाका प्रमुख जिल्ला अधिकारीहरुले भने थप दुई हप्ता निषेधाज्ञा बढाउने सोच बनाएका छन् ।

काठमाडौं उपत्यकाभित्र थप १५ दिन निषेधाज्ञा गर्न सिफारिस गरिएको छ । जिल्ला कोभिड १९ संकट व्यवस्थापन केन्द्र ‘डीसीसीएमसी’को बैठकले थप दुई साता निषेधाज्ञा गर्न सिफारिस गरेको हो । भक्तपुरका प्रमुख जिल्ला अधिकारी प्रेमप्रसाद भट्टराईका अनुसार, विस्तारै कोरोनाको चेन भत्कँदै छ । यथास्थितिमा कम्तिमा दुई साता निषेधाज्ञा लम्ब्याइयो भने संक्रमण दर झर्ने विश्लेषण गरिएको छ ।

उपत्यकाका तीनवटै जिल्ला प्रशासकहरुको भोलि औपचारिक छलफल हुने र त्यसले निषेधाज्ञाको अवधि बढाउने जानकारी भट्टराईले दिए ।
यही वैशाख १६ गतेबाट काठमाडौं उपत्यकामा निषेधाज्ञा जारी छ । काेरोना संक्रमण बढेपछि वैशाख १६ गतेदेखि काठमाडौं उपत्यकाभित्र निषेधाज्ञा जारी गरिएको थियो।

एक साताको निषेधाज्ञा थप गरेर वैशाख २९ गतेसम्म पुर्‍याइएको थियो। सोमवार बसेको बैठकले १५ दिन निषेधाज्ञा थप गर्ने सिफारिस गरेको हो। अहिले काठमाडौं उपत्यका लगायत ६९ वटा जिल्लामा निषेधाज्ञा लगाइएको छ।

भक्तपुरका प्रमुख जिल्ला अधिकारी प्रेमप्रसाद भट्टराईका अनुसार, विस्तारै कोरोनाको चेन भत्कँदै छ । यथास्थितिमा कम्तिमा दुई साता निषेधाज्ञा लम्ब्याइयो भने संक्रमण दर झर्ने विश्लेषण गरिएको छ ।