लोकतन्त्र आइसकेपछि पनि हामी पीडित छौँ : महन्थ

२७ बैशाख, काठमाडौं । जनता समाजवादी पार्टी ‘जसपा’का अध्यक्ष महन्थ ठाकुरले लोकतन्त्रमा आफूहरु पीडामा रहेको बताएका छन् । सोमवार बसेको प्रतिनिधि सभाको बैठकमा बोल्दै अध्यक्ष ठाकुरले भने– ‘लोकतन्त्र आइसकेपछि पनि हामी पीडित छौँ । रेशम चौधरीलाई त हामी यहाँ हेर्न चाहन्थ्यौँ । तर, उहाँ आज जेलमा हुनुहुन्छ । हाम्रो प्रदेश सांसद, मेयरलगायतका थुप्रै नेताहरु जेलमा हुनुहुन्छ । त्यसैले हामी मत मत दिन्नौँ, पक्षमा पनि छैनौँ, विपक्षमा पनि छैनौँ ।’

प्रधानमन्त्री केपी ओलीले आजको संसद बैठकबाट विश्वासको मत लिँदैछन् । यो समूहको जसपाले भने आफू तटस्थ रहने निर्णय गरिसकेको छ । प्रधानमन्त्री ओलीले विश्वासको मत लिने प्रयोजनका लागि आयोजित विशेष बैठकमा ठाकुरले प्रधानमन्त्री ओलीले मधेस आन्दोलनका क्रममा मुद्दा लागेका व्यक्तिहरुलाई छुटाइदिएको भन्दै प्रशंसा गरे।

उनले अहिले संविधान संशोधनको आवश्यकता रहेको पनि औँल्याए। साथै आफूहरु पीडित रहेको दुःखेसो पनि गरे। जातीय, वर्गीय तथा सामाजिक विभेद रहेको दुःखेसो गरे।