खाेपमा कमिशन खोजेर सरकारले जनताको जिवनसँग खेलवाड गर्यो : विपक्षी  

२७ बैशाख, काठमाडौं। प्रधानमन्त्री केपी ओलीले विश्वासको मत लिन वोलाइएको प्रतिनिधि सभाको बैठकमा विपक्षी दलका नेताहरुले कोभिडको भ्याक्सिन खरिदमा कमिशन खोजेर सरकारले जनताको जिवनसँग खेलवाड गरेको आरोप लगाएका छन् ।

संसदमा बोल्दै प्रमुख प्रतिपक्षी दलका नेता शेर बहादुर देउवा, जनता समाजबादी दलका नेता उपेन्द्र यादवले  भ्याक्सिन खरिदमा सरकारको कमिशन प्रकरणको चर्को आलोचना गरेका हुन ।

प्रमुख प्रतिपक्षी नेपाली कांग्रेसका सभापति देउवाले कोरोना महामारीले अक्सिजन, भेन्टिलेटर, खोपलगायत नपाएर जनता मरिरहेको टुलुटुलु हेर्ने प्रधानमन्त्री देशमा रहनु विडम्बना भएको बताए ‘आफ्ना जनताका लागि अक्सिजन बेड व्यवस्थापन गर्न नसक्ने, जनता मरेको टुलुटुलु हेर्ने प्रधानमन्त्री हुनु विडम्बना हो,’ देउवाले भने।

जनताको जीवनरक्षा गर्नुपर्ने बेलामा खोप र औषधिमा भष्ट्रचारका गरेर सरकार उदाङ्गो भएको र व्यापारिक घरानालाई पोस्न प्रधानमन्त्रीले जनताको जीवनलाई दाउ लगाउने काम गरेको आरोप देउवाले लगाएका छन् ।

यस्तै जसपा नेता उपेन्द्र यादवले भ्याक्सिनमा सरकारले कमिशन खोज्नु जनताको जिवन रक्षामा खेलवाड गरेको आरोप लगाए । जनताको जिवन रक्षा गर्ने औषधी र खोपमा कमिशन खोजेर चरम भ्रष्टचार र कुशानसमा सरकार लिप्त भएको नमुना प्रस्तुत गरेको बताए ।