विश्वासको मत नदिए संसद विघटन गर्ने ओलीकाे चेतावनी

२७ बैशाख, काठमाडाैं ।  प्रधानमन्त्री केपी ओलीले आफूलाई विश्वासको मत नदिए संसद विघटन गर्ने चेतावनी दिएका छन्। विश्वासको मत लिनका लागि बोलाइएको प्रतिनिधिसभाको बैठकमा दलका प्रतिनिधिहरुले उठाएका प्रश्नको जवाफ दिने क्रममा उनले विश्वासको मत नपाए संसद् विघटन गर्ने संकेत गरेका हुन्।

ओलीले पाँच वर्ष चलाउने हो भने आफूलाई विश्वासको मत दिन आग्रह गरेका हुन् । ‘मैले पाँचै वर्ष चलाउने हो भने मत दिनु मिलेर काम गरौँ,’ ओलीले भने, ‘भीरबाट हामफाल्ने अनि गुरुत्वाकर्षणलाई दोष दिने रु’ उनले विभेदको अन्त्य गर्न आफू नेतृत्वको सरकारले काम जारी रहेको बताएका छन् । उनले माओवादी केन्द्रका अध्यक्ष पुष्पकमल दाहाललाई इंकित गर्दै भने, ‘लोकतान्त्रि प्रणालीको चिन्ता गर्नुभयो । एक जनाले । १०-१५ वर्षअगाडि लडाइँकै मैदानमा हुनुहुन्थ्यो । आज तरकदारी गर्दा मलाई खुसी लागेको छ ।’