संसदमा नेताहरुप्रति ओलीको कटाक्ष, अचेल पापधर्म भन्ने पनि छैन

२७ बैशाख, काठमाडौं । प्रधानमन्त्री केपी ओलीले आजभोलि पापधर्म भन्ने पनि नै नभएको भन्दै नेताहरुप्रति कटाक्ष गरेका छन् । प्रतिनिधिसभाको बैठकमा जवाफ दिनेक्रममा ओलीले कोभिड नियन्त्रण गर्न सरकारले काम गरिरहेको बताएका हुन् ।

‘देशमा कुल बेडको संख्या २७ हजार माथि छन् । जसमध्ये सरकारी मात्रै १६ हजार छन् । आठ हजार बेडमा बिरामी छन् । कहीँ चापाचाप होला । विभिन्न ठाउँमा नयाँ नयाँ बेड राख्या छ,’ उनले भने, ‘कोभिडको न्यूनिकरणमा सरकारले केहीँ पनि गरेन भन्नु भएन ।

बरु केहीँ काम गर्न पुगेन भनौं । भ्याक्सिन निर्माण हुने मुलुकसँगै खोप लगाउने काम सुरु भएको छ । केहीँ पनि गरेन भन्ने रु अचेल पापधर्म भन्ने पनि छैन ।’