विश्वासको मत नदिने सांसदलाई कारबाही गरिने

२७ बैशाख, काठमाडौं । प्रधानमन्त्री केपी ओलीलाई विश्वासको मत नदिने सांसदलाई कारबाही गरिने भएको छ । नेकपा एमालेका प्रमुख सचेतक विशाल भट्टराईले प्रधानमन्त्रीलाई विश्वासको मत नदिने एमालेका सांसदलाई ह्वीप उल्लंघन गरेकोमा कारवाही हुने बताएका हुन्।

संसद भवनबाट बाहिरिने क्रममा सञ्चारकर्मीहरुलाई छोटो प्रतिक्रिया दिँदै उनले दलको विधान अनुसार कारबाही हुने बताएका छन् । सञ्चारकर्मीहरुसँगको कुराकानीमा उनले पार्टीको विधान र राजनैतिक दलसम्बन्धी ऐन अनुसार आवश्यक कारबाही अघि बढ्ने बताए।

सोमबार प्रतिनिधि सभाको बैठकमा भएको मतदानमा प्रधानमन्त्रीले मागेको विश्वासको मतको पक्षमा ९३ मत मात्रै खसेको छ। विपक्षमा भने १२४ मत खसेको थियो।