फेरि पनि ओली नै प्रधानमन्त्री हुनेछन् : वाग्ले

२८ वैशाख, काठमाडौं । नेपाली कांग्रेस (बीपी) का केन्द्रिय कार्यालय सचिव सुशिलराज वाग्ले प्रधानमन्त्री केपी शर्मा ओलीले विश्वासको मत नपाए पनि फेरि ओली नै प्रधानमन्त्री हुने बताएका छन् । उनले ओलीले विश्वासको मत लिनुपर्ने कुनै आवश्यकता नरहेको पनि बताएका छन् ।

सामाजिक संजाल फेसबुकमा लेख्दै वाग्लेले यस्तो बताएका हुन् । उनले अहिलेको सरकार (प्रतिनिधिसभामा विश्वासको मत गुमाएका) नेकपा (एमाले) का अध्यक्ष तथा प्रधानमन्त्री केपी शर्मा ओली २०७४ फागुन ३ गते प्रधानमन्त्री नियुक्त (प्रतिनिधि सभा बैठक बस्नु पुर्व प्रधानमन्त्रीको शपथ भएका) हुँदा संविधानको धारा ७६(२) अनुसार नेकपा माओवादीको समर्थन प्राप्त गरि प्रधानमन्त्री निर्वाचित भएकोले र दुई पार्टी एक भइ नेकपा बनेपछि प्रमले राजीनामा दिई ७६(१) अनुसारको प्रमको शपथ नलिएकोले २०७७ फागुन २३ को फैसला पछि १००(२) अनुसार विश्वासको मत लिन आवश्यक नभएको बताएका हुन् ।

समर्थन दिएको दलले फिर्ता लिएपनि प्रधानमन्त्रीले १००(१) अनुसार विश्वासको मतको प्रस्ताव प्रतिनिधिसभामा राख्न पाउने अधिकार प्रयोग गरि प्रतिनिधिसभाको बैठक आह्वान भएपछि समर्थन दिएको दलले पनि समर्थन फिर्ता लिएकोले संविधानको धारा १०० (२) को पनि प्रमबाट १००(१) प्रयोग गरिएकोले आवश्यक पर्दैन ।

यसरी संविधानले परिकल्पना गरिएको ७६(१) प्रतिनिधिसभामा नरहेको र ७६(२) अनुसारको प्रधानमन्त्रीले विश्वासको मत गुमाएकाले अब राष्ट्रपतिबाट पुन ७६(२) मा फर्कन संवैधानिक अप्ठ्यारो छ । त्यसैले अब ७६(३) अनुसारको प्रम पुनः नेकपा (एमाले) अध्यक्ष केपी शर्मा ओली हुनेछन् । रोक्न नेकपा (एमाले) संसदीय दलले दलको नेता परिवर्तन गर्नु आवश्यक छ ।

७६(३) का प्रमले ७६(४) अनुसार विश्वासको मत लिनुपर्छ । त्यो सम्भावना छैन त्यसैले ७६(५) अनुसारको प्रम बनि देश मध्यावधिमा जाने निश्चित जस्तै छ । अब राष्ट्रपतिबाट ७६(३) अनुसार सरकार गठन हुने हुँदा पुनः प्रम केपी शर्मा ओली नै हुनेछन् ।