लघुवित्तको शेयरमा आवेदन दिने अन्तिम मौका

२८ वैशाख, काठमाडौं । एनआइसी एसिया बैंकको स्वामित्वमा रहेको आरएमडीसी लघुवित्तको संस्थापक शेयरमा आवेदन दिने अन्तिम मौका आज (वैशाख २८ गते) रहेको छ ।

बैंकले वैशाख २२ गतेबाट कम्पनीकोे ४ लाख ५८ हजार २५५ कित्ता संस्थापक शेयर लिलाम बढाबढ गरी बिक्री खुल्ला गरेको थियो । उक्त शेयरको न्यूनतम मूल्य प्रतिकित्ता ४०८ रुपैयाँ तोकिएको छ । त्यसैले लगानीकर्ताहरुले सो वा सो भन्दा बढी मूल्य अंकित गरी बोलपत्र पेश गर्नुपर्नेछ ।

उक्त सेयर खरिदका लागि विद्यमान संस्थापकहरु वा जो कोही व्यक्ति, कम्पनी, संघ, संस्थाहरुले आवेदन दिन सक्नेछन् । लगानीकर्ताले न्यूनतम १०० कित्ता अधिकतम सम्पूर्ण कित्ताका लागि पनि आवेदन दिन सक्नेछन् । उक्त सेयरको बिक्री प्रबन्धकमा एनआइसी एसिया क्यापिटल लिमिटेड रहेको छ ।