महाप्रबन्धक पौडेलको नेतृत्वमा नेपाल एयरलाइन्स सुधारतर्फ अग्रसर, एक निर्णयले जोगियो डेढ अर्ब
नेपालबहस संवाददाता
बैशाख २८, २०७८ मंगलबार १९:०:३९
२८ बैशाख, काठमाडौं । अर्बौं घाटामा चलिरहेको नेपाल वायुसेवा निगमको घाटा कम गर्न र गुणस्तरीय सेवा बृद्धिको लागि सरकारले गत असोजमा निगमको महाप्रबन्धकमा डिमप्रकाश पौडेल (प्रकाश) लाई ४ बर्षका लागि नियुक्ति गरेसँगै सुधारका संकेतहरु देखा परेका छन् ।
हरेक विषयमा कमिशनको चक्करमा फसेर डुब्दै गएको एयरलाइन्समा पौडेलको नेतृत्वसँगै ती कमिशन बन्द मात्रै होइन, फजुल खर्चसमेत कटौती हुन थालेका छन् । अलिकति बहाना मिल्ने बित्तिकै कमिशनको चक्करमा अगाडि बढ्ने गरेका योजना पौडेलको नेतृत्वसँगै लागत बराबरको उत्पादन दिन सक्छ वा सक्दैन भन्ने चेकजाँच पश्चात मात्र हरेक योजनाहरु अगाडि बढ्न थालेपछि अनेकन बहानामा एयरलाइन्सको फजुल खर्च गर्न बानी परेकाहरुलाई पौडेल यतिबेला टाउको दुखाई बनेका छन् ।
नेपाल वायुसेवा निगमले संचालन गरेको मात्रै होइन, जुनसुकै देशका जहाजको पनि इन्स्योरेन्स हुन्छ तर नेपालमा इन्स्योरेन्सबाट हुनसक्ने काम पनि कमिशनको चक्करमा निगमको खर्चबाट गरिने गरेको थियो । तर पौडेलको नेतृत्वले विगतमा निगमको धुकुटीबाट खर्च हुँदै आएको काम इन्स्योरेन्सबाट हुन थालेपछि निगम सुधारतर्फ अगाडि बढ्दैछ भन्ने आशाका किरणहरु देखा पर्न थालेका छन् ।
यसअघिका हरेक नेतृत्वलाई कर्मचारीले आफू अनुरुप प्रयोग गर्दा सरकारी स्वामित्वको निगम हरेक बर्ष घाटामा जाने गरेको थियो । तर पौडेल आफैं कुशल चार्टर्ड एकाउन्टेन्ट भएको हुनाले पनि निगम घाटामा जानुको कारण पत्ता लगाउन सजिलो भएको हो । त्यस्ता कमीकमजोरीलाई सुधार गर्दै जाने हो भने आगामी दिनमा नेपाल वायुसेवा निगमको घाटा कम मात्रै होइन, यही गतिमा काम हुँदै गए छिट्टै नाफामा जाने देखिन्छ ।
यसरी जोगिएको थियो एयरलाइन्सको अर्बौं रकम
जहाजको अवस्था बुझ्न जहाजको डाटा बिदेश पठाउने गरिन्छ । ठुला कमीकमजोरी तत्काल पत्ता लागेपनि जहाजका सानातिना समस्या डाटा चेकपछि मात्र पत्ता लाग्ने गरेको पाइन्छ । त्यस्तै डाटा चेक गर्ने क्रममा फ्रेबुअरी २४ मा एउटा कमजोरी पत्ता लाग्यो ।
त्यो कमजोरी हो, जनवरी ८ मा दोहाबाट आएको नाइन एन ए एल जेड नम्बरको ह्वाइट बोडी जहाज ल्याडिङ गर्ने क्रममा त्रुटी भएको ।ल्याडिङका क्रममा हेभी ल्यान्ड भएको हुँदा जहाजमा गम्भीर असर परेको नयाँ तथ्य फेला पर्यो । रिपोर्ट नआउँदासम्म जुन कुरा पाइलटहरुलाई समेत थाहा थिएन । रिपोर्ट आउँदासम्म जहाज भने उडिरहेको थियो ।
रिपोर्टका क्रममा जहाज अझै केही समय उडाउन सकिने बताइएपनि तत्काल बनाउन समेत सिफारिस गरिएको थियो । जहाजलाई केही समय उडान गर्न सकिने भनिएपनि यात्रुको जोखिमलाई मध्यनजर गर्दै जहाज उडान रोकियो र बनाउने प्रक्रिया सुरु गरियो । यसरी जहाज रोकिएपछि बिना टेन्डर त्यसको मर्मत गर्न सकिन्थ्यो । त्यतिमात्रै होइन समस्या देखिएका टायर भाडामा लिएर अर्को कमिशनको चक्करमा फस्न सकिन्थ्यो ।
तर महाप्रबन्धक पौडेलले त्यसो गरेनन् । कोभिडको समयमा पुरै जहाज उड्न नपाएको हुँदा राख्ने जहाजको लागि टायर भाडामा समेत लिन मानेनन् । यसबाट पार्किङ गरेको जहाज भाडामा लिएर राख्न सकिने निगमको ४० करोड रकम समेत जोगिएको छ । बिगतमा जहाज रोकिएको भएपनि ठूलो कमिशनको खेलमा जहाज तयारी अवस्थामा राख्नुपर्ने कारण देखाउँदै भाडामा लिने गरिन्थ्यो ।
तर यसपटक जहाज बनाउन वैदेशिक ऋणहरु जुटाइयो । जहाज बनाउन डेढ अर्ब लाग्ने अनुमानित रकम तयार भयो । सोही अनुसारको रकम जोहो भएपनि पौडेलले भने अहिलेसम्मकै नयाँ प्रयोग थाले । त्यो हो बीमा दावी ।
अहिलेसम्म यस्तो कामको लागि इन्स्योरेन्सले खर्च नबेहोर्ने गरेको भएपनि यो दुर्घटना हो भन्दै बीमा दावी गर्न थालेपछि विदेशी इन्स्योरेन्स कम्पनीले नेपालमै आएर महाप्रबन्धक पौडेलसँग गम्भीर वार्ता गर्यो । वार्ताका क्रममा इन्स्योरेन्स कम्पनीले अहिलेसम्म यस्तो समस्यामा काम नगरेको र अहिले पनि बनाउन नसक्ने भनेपनि अन्ततः इन्स्योरेन्स कम्पनीले उक्त जहाज बनाउने सम्झौतामा हस्ताक्षर गरेको छ र राज्यकोषबाट खर्च हुने डेढ अर्ब रकम जोगिएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपशरतसिंह भण्डारी मन्त्री हुँदा गरेका तीन विवादस्पद निर्णय श्रममन्त्री अर्यालद्वारा खारेज
बैशाख ६, २०८१ बिहिबार
मनकामना केबलकार शुक्रबार बन्द हुने
बैशाख ६, २०८१ बिहिबार
प्लाइउड उद्योगमा तीन सय बढी मजदुरले पाए रोजगारी
बैशाख ५, २०८१ बुधबार
निर्माण व्यवसायी संघको अध्यक्षमा भीष्म अधिकारीको दावेदारी
नेपालबहस संवाददाता
बैशाख ४, २०८१ मंगलबार
विराटनगरको रानी क्षेत्र तनावग्रस्त, दुई समूहबीच ढुंगा हानाहान
नेपालबहस संवाददाता
बैशाख ५, २०८१ बुधबार
अभिनेत्री शिल्पाका पति कुन्द्राको ९८ करोड सम्पति जफत
बैशाख ६, २०८१ बिहिबार
प्रदेश प्रमुखबाट संविधान मिच्ने काम भयोः कांग्रेस
बैशाख ६, २०८१ बिहिबार
रविलाई ओलीले भने, ‘राजनीतिक रुपमा कांग्रेसले उठाएपनि सहकारी ठगीको विषय जनताको हो’
बैशाख ६, २०८१ बिहिबार
सांसद खड्काले हड्पेको स्काउटको जग्गामा सिलबन्दी
बैशाख ६, २०८१ बिहिबार
रविलाई ओलीले भने, ‘राजनीतिक रुपमा कांग्रेसले उठाएपनि सहकारी ठगीको विषय जनताको हो’
बैशाख ६, २०८१ बिहिबार
इन्डिगो एयरलाइन्सको सीटमा १ केजी सुन भेटियो, ल्याउने मान्छे भेटिएन
बैशाख ६, २०८१ बिहिबार
'....नाँकको डाँडीमा लात्तीले हिर्काउनु पर्छ' भन्नेलाई मेरो सुझाव
बैशाख ६, २०८१ बिहिबार
छिन्नमस्तामा डिजिटल माटो परीक्षण प्रयोगशाला सञ्चालन हुने
बैशाख ६, २०८१ बिहिबार
मोरङ उद्योग व्यापार संघमा व्यापक गुटबन्दीले विवाद चुलियो
बैशाख ६, २०८१ बिहिबार