बिहान मौसम सफा: अचानक उपत्यकामा वर्षा, अहिले घाम !

२८ बैशाख, काठमाडौं । जल तथा मौसम पूर्वानुमान महाशाखाका अनुसार काठमाडौं उपत्यकामा वर्षा भएको छ । देशका अधिकांश भूभागमा चट्याङ र हावाहुरीसहित वर्षा गराउने बादल विकसित भइरहेको अवस्थामा उपत्यकामा अचानक पानी परेको हो ।

महाशाखाले यसैबीच देशका अधिकांश भूभागमा मेघगर्जन, चट्टयाङ, हावाहुरी र असिनासहित वर्षा गराउने बादल विकसित भैरहेको हुनाले आवश्यक सतर्कता अपनाउन हुन आग्रह गरेको छ ।

बिहान सफा देखिएको मौसम मध्याह्नमा बदली भएर केहीबेर अघि काठमाडौं उपत्यकामा वर्षासमेत भएकाे छ । तर अहिले फेरि घाम लागेकाे छ ।