आगामी जेठ ९ गते विवाह तय भएका प्रहरी जवान मृत अवस्थामा फेला

२८ बैशाख, महोत्तरी । महोत्तरीमा २५ वर्षका प्रहरी जवान मृत अवस्थामा फेला परेका छन् । जिल्लाको सम्सी गाउँपालिकास्थित प्रहरी चौकीमा कार्यरत प्रहरी जवान मंगलबार वडा नम्बर ७ स्थित आँपको बगैँचामा फेला परेका हुन् ।

महोत्तरी प्रहरीका अनुासर जवान जितेन्द्र साह आँपको रूखमा नाइलनको डोरीले पासो लगई झुण्डिएको अवस्थामा मृत फेला हुन् । प्रहरीको
प्रारम्भिक अनुसन्धान अनुसार उनले आत्महत्या गरेको जस्तो देखिएपनि पोष्टमार्टमको रिपोर्ट आउन बाँकी छ ।

पर्सा जिल्लाको बहदुरबामाई नगरपालिका वडा नम्बर १ घर भएका प्रहरी जवान पछिल्लो ७ महिना यता सम्सी प्रहरी चौकीमा कार्यरत थिए ।प्रहरीका अनुसार मृत फेला परेका साहको आगामी जेठ ९ गते विवाह तय भएको थियो । घट्ना सम्बन्धमा अन्य अनुसन्धान भइरहेको प्रहरीले जनाएको छ ।