११ गुणा बढी आवेदन परेको सीइडीबी हाइड्रोपावरको आईपीओ बाँडफाँड कहिले ?

२८ वैशाख, काठमाडौं । सीइडीबी हाइड्रोपावरले सर्वसाधारणको लागि बिक्री गरेको आईपीओ अर्को हप्ताभित्र बाँडफाँड हुने भएको छ ।

बिक्री प्रबन्धक सनराइज क्यापिटलका अनुसार अर्को हप्ताभित्र मात्र आइपीओ बाँडफाँड गर्ने तयारी गरिएको छ । बाँडफाँड गर्ने दिन चाहि एकिन नभएको बिक्री प्रबन्धकले जनाएको छ ।

कतिले पाउँनेछन आईपीओ ?

सीइडीबी हाइड्रोपावरको आईपीओमा माग भन्दा बढी आवेदन परेकाले शेयर पाउन भने भाग्यमै पर पर्नुपर्नेछ । गोलाप्रथाबाट शेयर बाँडफाँट हुनेछ । यसमा कुल २ अर्ब ६३ करोड ४५ लाख ५० हजार रुपैयाँ बराबरको आवेदन परेको छ । १७ लाख ३६ हजार ७०० जनाले २ करोड ६३ लाख ४५ हजार ५०० कित्ताका लागि आवेदन दिएका हुन् । यो मागको तुलनामा ११.२५ गुणा बढी हो ।

यसआधारमा सर्वसाधारणलाई बिक्री गरिएको २३ लाख ४१ हजार ९५४ कित्तालाई आधार मान्दा २ लाख ३४ हजार १९५ जना आवेदकले १० कित्ताका दरले सेयर हात पार्ने देखिएको छ । १५ लाख २ हजार ५०० भन्दा धेरै जना भने आइपीओ पाउनबाट बञ्चित हुनेछन् ।

आइपीओ बिक्रीपछि भने चुक्ता पुँजी ८३ करोड ९४ लाख १० हजार रुपैयाँ पुग्नेछ ।