उद्योग वाणिज्य संघको कार्यालय कोभिड अस्पताल

२८ वैशाख,ओखलढुङ्गा । उद्योग वाणिज्य संघको कार्यालयलाई कोभिड अस्पताल बनाइएको छ । जिल्लामा कोरोना संक्रमणको दर बढ्दै गएपछि संघले आफ्नो कार्यालयलाई अस्पतालमा रुपान्तरण गरेको हो ।

संघले कार्यालयमा दश आइसोलेशन श्यया राख्ने तयारी गरेको र ती श्ययाका लागि २५ अक्सिजन सिलिन्डर समेत खरिद गरिएको संघका अध्यक्ष ज्ञानेन्द्रकुमार मास्केले जानकारी दिए । ती अक्सिजन निःशुल्क सहयोग गरिने र जिल्ला प्रशासन तथा सरोकारवालासँग समन्वय गरेर स्वास्थ्यकर्मीका सेवा दिने तयारी भएको उनले बताए ।

जिल्लाका प्रायः संक्रमित होम आइसोलेशनमै छन् । संक्रमितका सङ्ख्या बढ्दै जाँदा जिल्लामा आइसोलेशन र अक्सिजनको अभाव हुने जोखिम रहेको बताइएको छ ।