देउवाको नेतृत्वमा सरकार बनाउने कांग्रेसकाे निर्णय

२८ बैशाख, काठमाडौं । नेपाली कांग्रेसले नयाँ सरकार गठनका लागि समर्थन जुटाउन सिंगो पार्टी केन्द्रित हुने निर्णय गरेको छ । सभापति शेरबहादुर देउवाको निवास बूढानीलकण्ठमा बसेको कांग्रेस पदाधिकारी र पूर्वपदाधिकारीको बैठकले आफ्नो नेतृत्वमा नयाँ सरकार गठनका लागि सबै राजनीतिक दलहरुसँग वार्ता गर्ने निर्णय गरेको हो ।

राष्ट्रपतिले तीन दिनको समय दिएर सोमबार संविधानको धारा ७६ को उपधारा २ बजोजिम दुई वा दुईभन्दा बढी दलको बहुमतको सरकार गठन गर्न आह्वान गरेपछि कांग्रेस यसमा जुटेको हो ।

सहमहामन्त्री प्रकाशशरण महतले माओवादीसहित, एमालेको माधव नेपाल पक्ष र सिंगै जसपाको साथ लिएर सरकार गठन गर्ने निर्णय भएको पत्रकारहरूसँगकाे कुराकानीमा बताए ।

प्रधानमन्त्री केपी ओलीले संसदको विश्वास गुमाएपछि उनी सोमबारदेखि पदमुक्त छन् । कांग्रेस र माओवादी र जसपाको उपेन्द्र यादव ‘बाबुराम भट्टराई समू’ह बहुमतको सरकार बनाउने पक्षमा देखिएका छन् । कांग्रेसले सभापति देउवाको नेतृत्वमा सरकार बनाउने पहल गरिरहेको छ ।