पाँच बैंकसहित नौ कम्पनीको उच्च शेयर माग, कुनको कति ?

२८ वैशाख, काठमाडौं । सोमबार शेयरबजारमा पाँच बैंकसहित नौ कम्पनीको शेयर खरिद माग उच्च रहेको छ । यस दिन निफ्रा, सिभिल बैंक, नेपाल बंगलादेश बैंक, एनसीसी बैंक र सानिमा बैंकसहित अन्य चार कम्पनीको शेयर खरिद माग उच्च देखिएको हो ।

यस दिन अरुण भ्याली, नेशनल हाइड्रो, रु रु जलविद्युत र समता घरेलु लघुवित्तको शेयरमा उच्च शेयर खरिद माग रहेको छ ।

नेपाल इन्फ्रास्ट्रक्चर बैंक

यस दिन बजार बन्द हुने समयमा सबैभन्दा बढि नेपाल इन्फ्रास्ट्रक्चर बैंकको शेयरमा उच्च खरिद माग देखिएको हो । बैंकको शेयरमा ८ लाख २६ हजार कित्ता खरिद माग रहेको छ ।

बैंकको शेयरमा ८ लाख २६ हजार कित्ता खरिद माग आउँदा ७६ हजार कित्ता बिक्री आदेश रहेको छ । यस दिनसम्म बैंकको शेयरमूल्य ५३४ रुपैयाँ पुगेको छ ।

सिभिल बैंक

सिभिल बैंकको शेयरमा खरिद माग उच्च रहेको छ । बैंकको शेयरमा ७ लाख ६८ हजार कित्ता खरिद माग रहेको छ ।

बैंकको शेयरमा ७ लाख ६८ हजार कित्ता खरिद माग आउँदा १ लाख ८१ हजार कित्ता बिक्री आदेश रहेको छ । यस दिनसम्म बैंकको शेयरमूल्य २३९ रुपैयाँ पुगेको छ ।

अरुण भ्यालीको हाइड्रो

अरुण भ्याली हाइड्रोको शेयरमा ७ लाख ६८ हजार कित्ता खरिद माग रहेको छ । हाइड्रोपावर कम्पनीले हाल ५२ लाख ४१ हजार १९७ कित्ता हकप्रद शेयर निष्कासन गरिरहेको छ ।

उक्त हकप्रदमा जेठ २ गतेसम्म आवेदन दिन सकिने कम्पनीले जनाएको छ । हाल कम्पनीको चुक्तापूँजी ९९ करोड ८३ लाख रहेको छ ।यो हकप्रद शेयर निष्कासन पछि पूँजी १ अर्ब ५२ करोड २४ लाखभन्दा बढी पुग्नेछ ।

समता घरेलु लघुवित्त

यस दिन समता घरेलु लघुवित्तको शेयरमा खरिद माग उच्च रहेको छ । घरेलु लघुवित्त र समता लघुवित्त मर्जर भई समता घरेलु लघुवित्तको एकीकृत कारोबार सुरु भएसंगै लघुवित्तको शेयरमा खरिद माग उच्च रहेको छ ।

आज लघुवित्तको शेयरमा करिब ५ लाख ४१ हजार कित्ता खरिद माग रहेको छ । उच्च शेयर खरिद माग रहेको लघुवित्तको शेयरमूल्य ९ सय ६४ रुपैयाँ पुगेको छ ।

रु रु जलविद्युत

त्यस्तै, रु रु जलविद्युतको शेयरमा ४ लाख ८१ हजार कित्ता, नेशनल हाइड्रोको शेयरमा ६ लाख ६९, एनसीसस् बैंकको शेयरमा ३ लाख ९२ हजार र सानिमा बैंकको शेयरमा २ लाख ३९ हजार कित्ता शेयर खरिद माग रहेको छ ।

अधिकांश वाणिज्य बैंकको तेस्रो त्रैमासको वित्तीय विवरण सन्तोषजन आएसंगै बैंकको शेयरमा लगानीकर्ताको आकर्षण देखिएको हो ।

कुन कम्पनीको शेयर कति माग