बहुमतको सरकार गठन गर्ने ओलीको प्रयास, खनाल–नेपाल पक्षमा विवाद
नेपालबहस संवाददाता
बैशाख २८, २०७८ बुधबार ३:३९:०
२८ बैशाख, काठमाडौं । नयाँ सरकार बनाउन कांग्रेस–माओवादीलाई कठिन भैरहेका बेला एमालेका वरिष्ठ नेता झलनाथ खनाल र माधवकुमार नेपाल पक्षमा पनि विवाद उत्पन्न भएको छ । मंगलबार सो समूहको स्थायी कमिटीको बैठकमा नयाँ नयाँ परिस्थितिको विश्लेषण गर्दै आवश्यकता अनुसार तत्काल निर्णय लिन तर सरकार गठनको विषयमा मौन बस्ने विपक्षी दललाई सहयोग गर्ने कि नगर्ने भन्ने बारेमा विवाद उत्पन्न भएको छ ।
‘ विभिन्न विषयहरुमा छलफल भएका छन् अहिले नयाँ सरकार गठन र विपक्षी दललाई सहयोग गर्ने कि नगर्ने भन्ने बारेमा मत बाझिएको छ सायद कांग्रेस लगायतका गठबन्धन दललाई सहयोग गर्ने विषयमा नयाँ दलनै बनाएर लैजानु पर्ने भएकाले तत्काल नयाँ दल गठन गर्न असम्भव जस्तै रहेकाले विवाद उत्पन्न भएको हो’, आजको स्थायी कमिटी बैठकपछि एक नेताले भने । उनका अनुसार पार्टी विवाद निरुपणकै विषयमा छलफल भएको र प्रधानमन्त्री केपी शर्मा ओलीको तर्फबाट २०७५ जेठ २ गतेको बटमलाई टेकेर ठोस प्रस्ताव आए विवाद निरुपण गर्न आफूहरु तयार रहेको निष्कर्ष निकालेको छ । बैठकमा अहिलेको सबै परिस्थितिलाई ध्यानमा राखेर सरकार गठन तथा अन्य प्रकृया र संवैधानिक व्यवस्थाबारे पनि छलफल भएको थियो ।
नेपाल पक्षको स्थायी कमिटीको भर्चुअल बैठकमा घनश्याम भुसाल, योगेश भट्टराई, गोकर्ण विष्ट लगायतका नेताले सरकार गठनमा कसैको सहयोगी बन्ने भन्दा पार्टी अध्यक्ष केपी ओलीलाई नै एकताका लागि दबाब दिनुपर्ने मत राखेपछि संकटमा परेका नेता नेपाललाई अप्ठ्यरोमा परेका थिए । उनी अप्ठ्यरोमा परेपछि साँझ कांग्रेस सभापति शेरबहादुर देउवालाई भेट्न गएका थिए । नेपाललाई साथ दिइरहेका अर्का नेता भीम रावल पनि देउवा निवास पुगेका थिए । नेपाल, रावल लगायतका नेता सांसद पदबाट राजीनामा गरेर भने पनि अोलीको विरुद्ध संसदमा बहुमत पुर्याउन सघाउनुपर्ने पक्षमा रहेपनि उनीहरुको मत अप्मतमा परेपछि सोमबार सांसदपदबाट राजिनामा दिनबाट रोकिएको थियो ।
नेपाल र रावलले देउवालाई आफूहरु ओली सरकार ढाल्न आवश्यक सांसदको राजीनामा गराउन तयार रहेको आश्वासन दिएका थिए । तर यो विषयमा भूषाल, भट्टराई, विष्ट लगायतले असहमति राखिरहेका बेला ध्रुव शाही, राजबहादुर बूढा, गोपाल बम लगायतका नेताहरु ओलीतिरै लागेका थिए । अहिले ओली पनि बहुमतको सरकार आफै गठन गर्ने पक्षमा लागिसकेका छन् । ओली एमालेकै संसदीय दलको नेताको हैसियतमा बहुमतको सरकार आफै गठन गर्ने तयारीमा जुटेका छन् । जनता समाजवादीको १५ जना, राप्रपाको एक जना र एमालेको १ सय २१ जनालाई मिलाएर ओलीले बहुमतको सरकार गठनको तयारीमा लागेका हुन् ।
उनले एमाले संसदीय दलबाट १ सय २१ सांसद रहेको निर्णय गराउने र अन्य दलका सांसदको हस्ताक्षरसहित बहुमत देखाएर प्रधानमन्त्रीमा पुनः नियुक्त हुने संभावनाको खेलमा लागिसकेका छन् । ‘बहुमत ओलीकै पक्षमा पुग्ने देखिन्छ जसपाको महन्थ ठाकुर पक्षले १५ जनाको हस्ताक्षर बुझाउने, राप्रपाले समर्थन गर्ने, र एमालेका माधव नेपाल पक्षले राजिनामा नदिएकै कारण एमालेसँग १२१ कायमै रहेकाले ओलीले बहुमतको सरकार गठन गर्नेछन्’, स्रोतले भन्यो ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसत्ता र शक्ति भएपछि न प्रहरी लाग्छ, न अदालत ?
बैशाख ५, २०८१ बुधबार
प्रदेश सरकारमा संकट पार्दै वैकल्पिक गठबन्धन निर्माणमा नेकपा एसको प्रयास
बैशाख ४, २०८१ मंगलबार
विराटनगरको रानी क्षेत्र तनावग्रस्त, दुई समूहबीच ढुंगा हानाहान
नेपालबहस संवाददाता
बैशाख ५, २०८१ बुधबार
इलाम क्षेत्र न. २ मा कांग्रेस र स्वतन्त्रको देखियो चहलपहल
यज्ञप्रसाद भट्टराई
बैशाख ८, २०८१ शनिबार
हार्दिक पाण्डेयलाई १२ लाख जरीवाना
नेपालबहस संवाददाता
बैशाख ७, २०८१ शुक्रबार
इलाम क्षेत्र न. २ मा कांग्रेस र स्वतन्त्रको देखियो चहलपहल
बैशाख ८, २०८१ शनिबार
प्रिमियर कपमा तेस्रो स्थानको लागि नेपाल र हङकङ खेल्ने
बैशाख ७, २०८१ शुक्रबार
गर्मीमा छिटै तौल घटाउन चाहनुहुन्छ ? दैनिक खाली पेटमा सौंफको पानी पिउनुहोस्
बैशाख ८, २०८१ शनिबार
अब आन्तरिक कलह हट्नुपर्छ : नेतान्याहु
बैशाख ८, २०८१ शनिबार
सगरमाथा आरोहण उत्साहजनक : आरोहणबाट उठ्यो ५० करोडभन्दा बढी राजस्व
बैशाख ८, २०८१ शनिबार
आगो निभाउन गएको दमकल दुर्घटना, ६ जना घाइते
बैशाख ८, २०८१ शनिबार
वीरगञ्ज भन्सारद्वारा आठमहिनामा एक खर्ब १४ अर्ब राजस्व संकलन
बैशाख ८, २०८१ शनिबार
भन्सार छलेर ल्याएका ५० लाखका कपडा र काजु बरामद
बैशाख ८, २०८१ शनिबार