मौसम आंशिकदेखि पूर्ण बदली, केही स्थानमा भारी वर्षाको सम्भावना

२९ बैशाख, काठमाडौं । जल तथा मौसम पूर्वानुमान महाशाखाले अहिले काठमाडौं उपत्यकासहित आसपासका क्षेत्रमा घाम लागेको जनाएको छ । तर, अन्य क्षेत्रको मौसम भने आंशिकदेखि पूर्ण बदली रहेको छ ।

महाशाखाका अनुसार अहिले लुम्बिनी, कर्णाली प्रदेश र प्रदेश २ को पूर्वी पहाडी क्षेत्रको मौसम पूर्ण बदली भैइरहेको छ । यस्तै, वाग्मती, गण्डकी र प्रदेश १ का धेरै ठाउँको मौसम आंशिकदेखि सामान्य बदली छ । काठमाडौंमा अहिले घाम लागे पनि दिउँसो पछि मौसम बदली भइ पानी पर्ने सम्भावना छ ।

हाल देशमा पश्चिमी न्यून चापीय प्रणाली, दक्षिण-पूर्व भू-भाग नजिक रहेको पूर्व-पश्चिम फैलिएको न्युन चापीय रेखा तथा बंगालको खाडीबाट प्रवाह हुने जलवाष्प युक्त हावाको प्रभाव रहेको छ। जसका कारण अहिले देशका सुदुरपश्चिम प्रदेश, बाग्मती प्रदेश तथा प्रदेश नं १ का केही भू-भागमा आंशिक देखी सामान्य बदलीको अवस्था रहेको छ भने बांकी भु-भागहरुमा सामान्य देखि पूर्ण बदली रहेको छ ।

मौसम पूर्वानुमान महाशाखाका अनुसार भोलि र पर्सि पनि मौसम यस्तै रहने अनुमान छ । नेपालमा आज पनि पश्चिमी न्यून चापीय प्रणाली र बंगालको खाडीबाट आएको जलवाष्पयुक्त हावाको प्रभाव रहेको छ ।

महाशाखाका अनुसार प्रदेश नं १, प्रदेश नं २ लगायत अन्य पहाडी भू-भागहरुमा सामान्य देखि पूर्ण बदली र बाँकी भू-भागहरुमा आंशिक देखि सामान्य बदली रहेकाे छ । देशका केही स्थानहरुमा मेघगर्जन र चट्याङ्गसहित हल्का देखि मध्यम वर्षाको सम्भावना रहेको छ । साथै प्रदेश नं १, प्रदेश नं २,गण्डकी प्रदेश र बाग्मती प्रदेशका एक र दुई स्थानमा भारी वर्षाको सम्भावना रहेको छ।