एभरेष्ट इन्स्योरेन्स र अपि पावरको शेयरमूल्य समायोजन

२९ वैशाख, काठमाडौं । नेप्सेले एभरेष्ट इन्स्योरेन्स र  अपि पावर कम्पनी कम्पनीको शेयरमूल्य समायोजन गरेको छ ।

नेप्सेले अपि पावर कम्पनीको २९ दशमल ३८ प्रतिशत हकप्रद शेयर र एभरेष्ट इन्स्योरेन्सको ८ प्रतिशत बोनस शेयर प्रयोजनका लागि मूल्य समायोजन गरेको हो ।

अपि पावर कम्पनीको मंगलवार कायम अन्तिम मूल्य ३५३ को आधारमा नेप्सेले हकप्रद पश्चातको मूल्य  २९६ तोकेको हो ।

त्यस्तै एभरेष्ट इन्स्योरेन्सको मंगलवार कायम अन्तिम मूल्य  ७७८ को आधारमा बोनस पछिको मूल्य नेप्सेले ७२० तोकेको हो ।

अपि पावर कम्पनीले हकप्रद शेयर निष्कासनको मिति तय नगरेपनि बुक क्लोज भने वैशाख २९ गते (एक दिन) गरेको छ । बुक क्लोजको आधारमा अपि पावरको हकप्रद शेयर वैशाख २८ गतेसम्म कायम शेयरधनीहरुले मात्र भर्न सक्नेछन् ।

कम्पनीले ५६ लाख ७० हजार कित्ता हकप्रद शेयर विक्री गर्ने भएको हो । हकप्रद शेयर विक्री प्रबन्धकमा मुक्तिनाथ क्यापिटल रहेको छ ।

त्यस्तै, एभरेष्ट इन्स्योरेन्स कम्पनी लिमिटेडले जेठ ११ गते आव्हान गरेको साधारण सभाका लागि पनि वैशाख २९ गते बुक क्लोज गरेको छ ।

उक्त सभामा कम्पनीले ८ प्रतिशत बोनस शेयरसँगै कर प्रयोजनका लागि शून्य दशमलव ४२ प्रतिशत नगद लाभांश प्रस्ताव पारित गर्दैछ । बुक क्लोजको आधारमा वैशाख २८ गतेसम्म कायम शेयरधनीहरु मात्र एभरेष्ट इन्स्योरेन्सको लाभांश पाउने भएका हुन् ।